《Pokemon Go》隨時有可能登陸香港！想知道玩新手玩《Pokemon Go》有乜嘢要注意？又有乜野方法可以偷步玩到《Pokemon Go》？記得留意以下7 項必讀Tips 喇！
Tips 1.破解版有得偷步玩？
想知點解身邊朋友香港地區一解封就齊寵高Level？好大機會佢一早已經用破解版玩緊！據知iPhone 可以透過《PP 助手》，經開發者測試功能下載破解版《Pokemon Go》，該破解版一早已經可以喺香港玩！不過，破解版可能內置惡意程式，又有機會隨時畀任天堂封帳號「抄家」，最好都係咪試喇！
Tips 2.唔行用Fake GPS 玩得唔得？
用開《Android》手機，都知道《Android》嘅〈開發選項〉入面有面有個〈允許模擬位置〉功能，可以用嚟配搭《Fake GPS》等虛假GPS app 使用。呢個功能用嚟呃另一半就得，用嚟偷步玩《Pokemon Go》又得唔得？記者試過，開咗〈允許模擬位置〉功能後，會出現〈Fail to detect location〉字樣，都係一樣無得偷步玩！據知Root 機後再用《Fake GPS》，就真係可以「跳去」澳州或美國偷步玩，但都係果句，咁玩法隨時會畀任天堂封帳號，咪試呀！
Tips 3.寵物有分Rank
每隻寵物有個數值叫CP 值。CP 值愈高，當然代表能力愈勁啦！想知邊啲寵物勁啲？睇睇以上呢個表就知！比「Uncommon」更低級別嘅寵物，通常都係「肥料寵」，有愛先好升！另外，通常勁寵嘅體重都係「XS」，愈瘦愈勁！
Tips 4.留返星塵咪亂用！
Stardust（星塵）雖然可以令到寵物快速升級，但係只有捉到寵物、孵蛋同埋自己所設立嘅Gym 防守成功，先可以獲得Stardust，都算係遊戲內嘅珍貴資源！最好都係留返畀勁寵物，或者已經進化到咁上下嘅寵物先用星塵升佢！
Tips 5.屬性相剋
O 代表屬性係數約為2
－代表屬性係數約為1
△代表屬性係數約為0.5
X 代表屬性係數約為0
有玩開Pokemon，都知道寵物有屬性相剋呢回事。睇睇以上列表，邊個剋邊個一眼睇曬！
Tips 6.蓄力技能同閃避
咪以為戰鬥時係咁「亂督」個Mon 就得，留意嚇寵物血量下方有條藍色Bar，儲滿後長按屏幕就可以出到蓄力攻擊，道理就好似《街霸》出超必咁上下。如果敵方使用蓄力攻擊嘅話，睇準時間喺屏幕橫掃，就有機會迴避到蓄力攻擊！
Tips 7.唔課金得唔得？
即使唔買道具都好，據知到遊戲中後期，點都要用Pokécoins 買嚇背包位同寵物位裝嘢。平日儲唔夠Pokécoins 備用嘅話，就同任記講「Shxt up and take my money」啦！
source:ezone
