「獨臂刀」王羽突傳中風昏迷

現年72歲，有「獨臂刀王」稱號的老牌台灣演員王羽，昨晚傳來消息，指他一週前在泰國曼谷機場暈倒，緊急送院。當時王羽未有家人陪同。

消息指，王羽為急性腦出血(即中風)，接受開腦接受手術，至今仍陷於昏迷，未脫危險期，其家人包括女兒王馨平等已飛抵當地照顧父親。

本報聯絡王馨平，暫未獲回應。據王羽友人透露，王羽之前曾中風，2011年接拍陳可辛執導的《武俠》，其後曾中風，幸經過休息及接受物理治療後，康復進展理想，更曾到到北京出席大國豐臣演藝人有限公司成立記招，希望再作幕前演出。惟其實因王羽年事已高，身體一直未康復，去年開始已經常進出醫院。據知王羽早前曾表示雙手無力，之前亦曾到北京醫病。
from:http://hk.apple.nextmedia ... 160124/19465017

王馨平透露爸爸王羽上月中在泰國機場中風暈倒。

資料圖片
現年72歲的「獨臂刀王」台灣武打演員王羽，上月在泰國曼谷機場暈倒，送院後被證實急性腦出血（即中風），目前仍在泰國接受治療，有傳情況一度不明朗昏迷。

接受三次手術

王羽的女兒王馨平（Linda）昨日接受本報電話訪問，代父親報平安，指他眼神好精靈：「佢OK，會越嚟越好。喺上月中發生，到今日已經個幾月，其間三姊妹輪流飛去泰國，最新情況佢越來越好，爹哋喺香港、泰國、台灣有幾個朋友，都喺度幫緊我哋手。」

5年前，王羽曾在內地發生輕微腦中風，問到今次的事發情況，Linda說：「因為佢之前中過一次風，今次算係第二次中風，佢今次自己一個人飛泰國，有啲公事想去搵人。佢喺泰國出咗海關，喺出境大堂暈低，有好心人即刻送佢入當地醫院，我同老公、兩個妹即刻飛過去睇佢。」

Linda表示父親已清醒，但暫未能說話：「前幾個星期都醒番，其實佢做完手術都醒，始終係手術，做完會瞓吓醒吓，做咗兩、三次手術，不過唔係重大手術，眼神都好精靈，食到嘢。」她亦透露父親將返台灣療治。

至於導演陳可辛和王羽曾合作拍電影《武俠》，陳可辛昨在電話說：「《武俠》之後我有搵佢拍《血滴子》，台北電影節我做評委，仲頒咗最佳男主角畀佢，嗰時佢仲偷偷飲酒，我啱啱仲搵人問佢屋企有冇嘢要幫手，佢屋企人話暫時冇乜要幫手。」

採訪：皓騫、何永寧

王羽於2011年第一次中風，之後在台灣接受治療。

王羽憑《獨臂刀》成名，踏上武打星途。

資料圖片
From:http://hk.apple.nextmedia ... 160125/19465364