楊思琦食飽飯湊女

1^# 大中小 young 發表於 2016-1-28 22:56 發短消息

相關主題: 楊思琦

楊思琦和郭政鴻早前為李司棋、石修等主持的有線飲食節目《食得有法「補」》擔任嘉賓，司棋姐自爆以前好鍾意食五香肉丁撈麵，但不慎感染幽門螺旋菌，病過以後不敢再亂進食。反而郭政鴻平時食得清淡，經常親自下廚，被司棋姐讚是「煮家好男人」，而思琦不敢試偏方減肥，她說：「聽朋友講過一日三餐只飲檸檬水，真係好唔健康。做藝人已經食無定時，我要有氣力照顧囡囡！」
from:http://hk.apple.nextmedia ... 160123/19463253

廷伸閱讀/相關主題推介:

相關主題:楊思琦

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-2-7 19:25 發短消息

思琦轟陪客價無稽

楊思琦昨日對被牽扯入不道德交易的傳聞，大感不快，怕被人誤會。資料圖片
昨日有周刊報道圈中女藝人被一位自稱內地經紀人透過微博私訊聯絡進行不道德交易，除了𡃁模，還有不少人妻和靚媽都榜上有名，楊思琦、林雅詩、陳煒和陳嘉容等是陪客名單之列，還附設有價目表。

楊思琦對於被牽扯在內，更被指「快餐價」55萬，她接受訪問時就大呼冤枉：「好唔開心！我唔認識嗰個人，亦唔知點解佢會用好似sales嘅身份向其他人講我，仲有晒價錢。我從來都唔會做呢啲嘢，好驚人睇完誤會我，咁樣對我形象同埋名聲嘅影響都好大！」她表示曾有類似的中間人聯絡她，被她一口拒絕。

至於林雅詩昨日亦在facebook為報道感不快，她說：「今日我真是好唔開心，辛苦工作，只想為自己為小朋友嘅將來而努力，但被人利用了，真的很難受，心情很難過，很難平復。」

採訪：非非
from:http://hk.apple.nextmedia ... 160129/19470578

TOP

3^# 大中小 young 發表於 2016-2-20 23:07 發短消息

楊思琦教女儲錢理財

與囡囡做開親子勞作的思琦，對噴畫相當拿手。

楊思琦日前拍攝有線賀年專輯，她在節目上炮製賀年噴畫，寓意新一年事事順利，一家人開開心心。見到思琦做勞作的功夫純熟，她笑說：「平時囡囡都有唔少親子勞作功課，我再忙都會抽時間一齊做，因為咁樣可以同囡囡建立親子關係，亦都可以令我放鬆吓！」

提到女兒Krystal，思琦坦言自小已教女兒拜年講恭賀說話，還教女兒要儲起利是錢，不可以胡亂揮霍。至於猴年會否希望有桃花？思琦笑說：「我一直都唔抗拒桃花㗎！因為喺娛樂圈工作，自然想多啲人鍾意啦！感情方面隨緣喇，有合適人選都唔會抗拒，希望新一年會多啲機會！」

撰文：唐琛悠
from:http://hk.apple.nextmedia ... 160208/19483737

TOP

4^# 大中小 young 發表於 2016-3-27 01:26 發短消息

思琦認囡囡轉校

資料圖片

單親媽媽楊思琦去年成功幫囡囡楊卓穎（Krystal）考入德望小學暨幼稚園，不過噚日有報道話Krystal百厭試過狂搣媽咪同婆婆，老師擔心佢影響同學，搞到思琦要幫囡囡退學。思琦噚日透過短訊回覆，未有否認退學一事：「沒有這回事，女兒乖巧聽話是個好孩子，在學校老師從沒有投訴過她，只有讚她聰明乖巧活潑又聽話的孩子。只是為女兒找適合她的學校！」

撰文：馮仁昭

馮仁昭
from:http://hk.apple.nextmedia ... 160311/19524541

TOP

5^# 大中小 young 發表於 2016-3-29 16:58 發短消息

思琦三代同堂帶女溜冰

早排頻撲幫4歲女Krystal轉校嘅楊思琦，最近終於搵到合適學校，唔使再煩，可以開心放復活節假。

噚晚7點幾，記者就喺圓方見到思琦同媽咪、囡囡三代同堂行街街，思琦好快發現記者，佢仲專登放慢腳步，等媽咪囡囡甩身後，先答記者：「我帶小朋友嚟學溜冰之嘛，都玩咗一、兩季啦！」

撰文：馮仁昭

馮仁昭
from:http://hk.apple.nextmedia ... 160325/19543903

TOP