張致恆（Steven）於年初成立個人服裝品牌，日前獲大師兄謝霆鋒力撐穿上品牌衫亮相節目，即惹來「鋒迷」搶購，成功打出名堂的Steven大讚霆鋒夠義氣，更戲言想邀對方做代言，可惜「畀唔起錢」！
張致恆與莊端兒不時大耍花槍，羨煞旁人。
張致恆（Steven）早前與模特兒女友莊端兒（Xenia）為個人服裝品牌再度擺市集，貴為老闆的Steven親力親為搬貨及執檔，Steven刻意將霆鋒著過的最新款衫掛在當眼位置，Steven說：「真係要感謝師兄肯著件衫，之前同佢講想宣傳嚇自己品牌幫手著一著，佢義不容辭就話好吖攞嚟，著咗影張相畀我，好多人睇完個節目就話好想要謝霆鋒嗰件，因為咁要即刻補貨。」
逼祖兒還人情
Steven承認生意額有提高：「收好多訂貨電話，就嚟問佢（霆鋒）幾錢幫我代言。（畀得起？）畀唔起呀！」隨即大讚霆鋒：「一向都話謝霆鋒真係正，真係真男人。」早前慘遭大師姐容祖兒踢爆曾暗戀蔡卓妍的Steven說：「我話佢好嘢，識咁多年咁樣陰我，佢叫我唔好嬲，最多還個人情畀我，我就話畀頂帽佢幫我戴。」
霆鋒仗義幫Steven做生招牌。
除了張致恆外，鄧詠雪（右二）也在隔籬開檔。
張致恆親力親為，經常與女友拍住上。
與女友感情穩定的Steven坦言服裝生意全交對方管理，他說：「依家乜都交曬畀佢。」抵死的Xenia笑說：「個人未囉。」兩人大耍花槍，Steven坦言只欠求婚，Xenia即說：「得把口冇行動，你再唔求一陣畀人搶咗o架喇。」
採訪：音樂組
From:
http://orientaldaily.on.c ... /00282_030.html
