GiGi穿上明年早春的花裙上陣，她對上一次出席巴黎時裝周已是十年前。
【巴黎直擊】梁詠琪（GiGi）、台灣天后蕭亞軒（Elva）與內地女星「謀女郎」張慧雯香港時間昨日凌晨在巴黎出席法國品牌Lanvin時裝騷，眾人完騷後更與設計師Alber Elbaz影合照。GiGi透露今次帶同家人一起歐遊：「今次同老公、囡囡、爸爸媽媽一齊嚟，之後一家會飛西班牙，帶囡囡見老爺奶奶，係佢出世後第一次見面。」GiGi大讚囡囡乖：「佢第一次搭長途機，瞓得好甜，我同老公輪流抱住佢瞓，我哋就冇覺好瞓，最辛苦係爸爸媽媽，老公就趁我工作就同囡囡行街，買嚇BB衫。
三位美女在後台與設計師Alber Elbaz合照。
GiGi之後會與老公及囡囡轉去西班牙探老爺奶奶。微博圖片
有傳蕭亞軒與新加坡有米男友Elroy情變，說到感情狀況她表示：「很好，正常，男友工作忙，沒一起來巴黎。」Elva男友家姐、即吳建豪老婆石貞善亦在當地睇騷，Elva說已約食飯，但提到石貞善夫婦關係時即封嘴。
阿徐一身潮人打扮睇騷，透露會參加當地10公里賽跑。
肯亞徐唔陪女過生日
此外，徐濠縈昨日在巴黎入貨兼去睇Loewe騷，並會參加馬拉松10公里賽事，但因此撞了囡囡陳康堤生日：「佢同Eason（老公陳奕迅）都喺香港，今次係第一次冇陪個女過生日，或者喺度買啲朱古力、芝士畀佢補數啦。」
採訪：林嘉慈
攝影：葉君海
from:
http://hk.apple.nextmedia ... 151003/19318748
