官恩娜自拍谷爆上圍

1^# 大中小 young 發表於 2015-6-11 13:18 發短消息

官恩娜（Ella）懷孕5個月，相當享受做準媽媽的日子，一時去學法文、睇話劇，節目多多。Ella昨日去了做Pilates及游水，更放了兩幅身穿黑色運動衣自拍相，凸出了巨肚，在肚皮上用apps寫上了「Dreams come true」字句，上圍更明顯升cup谷爆。

Ella之後更在水中自拍，自言孕婦自大無罪：她更留言：「同BéBéG去游水，其實佢24小時都游緊，人類身體嘅結構真係好神奇！竟然有個人喺我個肚裡游來游去打功夫！38個星期之後就出嚟叫你畀嘢佢食！唔畀就喊嚟投訴你！真令人期待。」

撰文：唐如
from:http://hk.apple.nextmedia.com/entertainment/art/20150605/19172520

廷伸閱讀/相關主題推介:

相關主題:自拍官恩娜

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2015-6-11 15:19 發短消息

Ella升Cup晒巨肚

大肚婆官恩娜（Ella）難掩首次懷孕的喜悅，不時在社交網分享近況，前晚又在Instagram貼側身自拍相，懷孕5個月的她興奮留言：「星期日人山人海！無阻second trimester體力旺盛嘅我去街！」

由於側身站立的關係，除了看到胸部明顯升cup外，肚子更又圓又大，Ella搞笑地寫道：「不嬲唔係標準火柴人身形嘅我！喺行內算係肥仔！有時fitting都會縮吓肚腩！唔知係咪慣咗，有次着完衫見自己個肚咁大又縮一縮！之後先諗起自己大咗肚。」網友都留言讚她是靚媽媽好可愛：「要好好享受唔使縮肚腩，光明正大挺起個肚嘅日子。」

撰文：皓騫
from:http://hk.apple.nextmedia ... 150609/19177939

TOP

3^# 大中小 young 發表於 2015-6-24 11:34 發短消息

大肚官恩娜過度活躍

官恩娜笑言被老公禁止日日出街。

官恩娜（Ella）昨日在尖沙嘴出席活動，穿上暗踭波鞋現身，已懷孕21周的她腹大便便，面頰及手臂有點圓潤，坦言肥了10多磅的Ella說：「可能有外國血統，個頭又大啲，醫生話100個BB入面有87個細過佢，我想試吓自然分娩，覺得過程好神奇，生唔到先開刀。」

心情興奮的Ella表示已進行胎教：「行緊街都同佢傾偈，我同先生又用中、英同法文錄咗啲古仔畀佢聽，平時又會唱歌畀佢聽。以前肚痛先會咕咕聲，𠵱家佢會踢我，覺得入面真係有個人仔。」她笑指自己懷孕後似乎有過度活躍症，已被老公禁止日日出街，又限制她每星期最少有一日留在家，Ella搞笑謂：「我以前唔鍾意出街，𠵱家瞓醒就諗去邊，成個人都變晒。」

採訪、攝影：盧妹
from:http://hk.apple.nextmedia ... 150614/19183340

TOP

4^# 大中小 young 發表於 2015-7-5 23:44 發短消息

官恩娜三點式騷大肚

官恩娜昨在微博晒海棠春睡甫士的泳照。

準媽媽官恩娜（Ella）昨在微博晒大肚泳衣相，懷孕5個多月的她上圍明顯升cup，着上桃紅色比堅尼更襯得皮膚白滑，她側卧在梳化床上擺出海棠春睡甫士，並留言：「懷孕的感覺真的是很奇妙很幸福！」網友都讚她是靚媽咪，肥肚不肥身。

停工待產的Ella相信是跟老公出外度假，她連日在社交網晒幸福，前日才貼出嘟嘴扮錫老公的相片，留言：「親親寶寶和老公。」由於她的外籍醫生老公性格低調，所以相中Ella老公的樣子朦朦朧朧，昨又貼浴缸相留言：「睡前和寶寶浸浸coconut milk bath。」認真識享受。

撰文：皓騫
from:http://hk.apple.nextmedia ... 150624/19195363

TOP

5^# 大中小 young 發表於 2015-7-7 10:39 發短消息

官恩娜享受上圍升Cup

官恩娜昨日為小女模搽唇膏時，彎身露出其升cup身材。

兩位準媽媽官恩娜（Ella）、Cara G.昨日與陳靜（DaDa）在銅鑼灣出席化妝品牌活動。穿上4吋高跟鞋的Ella，現時懷孕5個多月，預產期是10月，她見到活動上的小女模時，坦言想再生女。Ella透露，現時重了10多磅，覺得囝囝可能似爸爸偏重，到臨盆時再考慮是否開刀。被問到上圍是否升cup很多？Ella說：「都有，覺得唔係自己咁，不過我好享受𠵱家肥嘟嘟，圓碌碌。」而她早前與老公到泰國度假及影大肚照，慘被蚊叮，整個背脊都是。Ella又恭喜衛蘭，衛詩加盟華納。

至於Cara G.透露將於下月底生女，但心情不緊張。另外，DaDa大讚兩位準媽咪很靚，自己都喜歡小朋友，她透露有位發展中的台灣男士，並大讚對方很好。

採訪：溫敏芝
攝影：仇志德
from:http://hk.apple.nextmedia ... 150626/19198058

TOP

6^# 大中小 young 發表於 2015-7-7 10:44 發短消息

官恩娜為BB學煮餸

懷孕五個多月的官恩娜（Ella）昨日於屯門出席Miele地板護理產品活動，她除了與兩位混血小朋友示範正確使用吸塵機，還唱出一首法國兒歌《Au Clair De La Lune》。

Ella懷孕後曾爬高打掃被老公發惡鬧了一輪。有地獄廚神之稱的Ella，還決心為BB學烹飪，她說：「𠵱家我學法文、煮嘢食、pilates同游水，所以都幾忙。今日本身都要上堂學煮嘢食，但係因為太攰，所以學少咗三道菜，我希望BB出世後有飯開。」

採訪、攝影：羅慧敏
from:http://hk.apple.nextmedia ... 150627/19199322

TOP

7^# 大中小 young 發表於 2015-7-7 11:11 發短消息

大肚Ella搶半價LC煲

官恩娜上載一張小蜜蜂合成照，講自己的買煲經歷。互聯網圖片
人氣蛋糕Lady M近日備受港女追捧，但另一港女最愛、法國名牌Le Creuset廚具仍具人氣，就連地獄廚神官恩娜（Ella）都加入搶煲一族，前晚Ella在社交網自爆陪朋友去買煲：「佢話嗰個法國煲做緊半價，身份證號碼有個5就可以買！平時用生果刀切牛肉嘅我零興趣咁陪佢入到舖頭，只係一直企喺一邊心諗有冇咁誇張呀？啲人好似唔使錢咁搶！」

結果Ella由陪客變搶家：「之後一路企一路聽啲人講有幾正！半價真係抵到喊！之後我唔知點解就帶咗3個返屋企……希望可以令我更加努力學烹飪啦！」有網民笑她用生果刀切牛肉，另有網友指希望撞Ella求合照，她鬼馬留言：「我大肚呀，細細力撞吓好嘞！我怕動胎氣！」

撰文：皓騫
from:http://hk.apple.nextmedia ... 150701/19203881

TOP