楊思琦一向是好媽媽，擔心3歲大的囡囡楊卓穎（Krystal）在單親家庭長大，所以特別痛錫。思琦除了安排囡囡入讀名牌幼稚園，與陳慧琳細仔劉琛（小龍包）成同班同學外，空餘時間又讓囡囡參與游水、畫畫及跳芭蕾舞等課外活動。
昨日在第二代美心妹妹Keicy（胡梓盈）的facebook內，發現思琦囡囡Krystal與Keicy的妹妹Kassy為SDM Jazz和Ballet Academie拍攝一輯宣傳照，並寫著：「場面sweet sweet好開心呀，希望快啲見到啲靚相啦！心心眼，期待。」
考慮母女檔上陣
據相中所見，Krystal越大越似媽咪思琦，她與Kassy齊齊打扮得靚靚，束起頭髮及穿上粉紅色芭蕾舞裙影相。首次當上「小model」的Krystal沒有半點怯場，在攝影師哥哥指導下，要趴在地上扮花，又要伸高手、交叉腳跳芭蕾舞，仍表現得有板有眼。而且兩位小妹妹似乎好老友，經常互搭膊頭拍照，Krystal更將身子挨向Kassy身上邊，凸出小肚皮，十分可愛。
吳帥
楊思琦囡囡Krystal（右）初次入影樓影宣傳照，與Kassy齊齊叉腰擺甫士，有板有眼。互聯網圖片
在攝影師哥哥指導下，Krystal（中）和Kassy齊齊趴地影相。
思琦昨日在電話中透露今次拍照沒有收取酬勞，她解釋：「其實係小朋友玩嚇，唔係廣告相，只係一啲內部活動。」她表示囡囡喜歡音樂，並具演藝細胞，她說：「佢聽到音樂就會郁身郁勢，知道佢對跳舞有興趣，所以畀佢學，但唔會逼得太緊。」問到會否母女檔上陣拍廣告？她說：「有合適嘅會考慮，順其自然啦！」
思琦早前要到橫店拍劇，所以未能與囡囡一同慶祝母親節，但仍收到母親節禮物，令她甜在心頭說：「學校教咗佢整花同卡送畀媽咪，裡面仲有我哋張相，佢同我講『媽媽，I love you.』真係冧死！」
採訪：唐如、嵐山
from:
http://hk.apple.nextmedia ... 150516/19148962
