鄭希怡（Yumiko）懷胎六個月，昨晚與何韻詩、黃伊汶等在中環出席一護膚品牌活動，大會司儀由DJ Donald、少爺佔及鄭裕玲（嘟嘟）擔任。活動開始前出現一段有驚無險的小插曲，當Yumiko跟黃伊汶在台上閒談時，天花忽然掉下一條約兩呎長的膠條在Yumiko面前，雖然沒有打中她，她卻交戲掩著肚扮痛大叫「哎唷」。
好友黃伊汶（左）蹲下執東西，鄭希怡忍不住狂笑。
鄭裕玲未有介意吳若希在頒獎典禮攝位拍照。
老公好驚喜
Yumiko接受訪問時表示其實嚇了一跳，她說：「呢排都好保護自己，𠵱家六個月，肚入面係囡囡，鍾意生囡囡係因為可以買衫同佢扮靚，已經買咗好多衫畀佢，夠著到兩歲大。」
問Yumiko會否自然分娩？她謂因為怕痛所以選擇開刀分娩，但就沒有選定時辰，又笑言上圍是前所未有般洶湧，她笑說：「個上圍係呢世人最光輝嘅時候，由本來A cup達到D cup，祖兒（容祖兒）先排幫我買定好多內衣，知道我成日要替換。老公當然都好驚喜啦，我諗佢一世都冇諗過（D cup）。」她又爆原本老公喜歡囝囝，但見自己開心所以現在仔女都沒有所謂。
久未出席活動的何韻詩透露與經理人公司將約滿。
阿詩唔怕嚇
此外，久未出席商業活動的何韻詩，透露以為自己是第一批預約被拘捕佔中人士，但最後卻沒有份，她說：「見警察程序都係落口供同睇片，啲片都係網上七拼八湊出嚟嘅嘢，冇證據，成件事都係靠嚇，同埋預約拘捕明顯係政治行動。」
至於三月的台灣演出有否受影響？何韻詩說：「都係一個嚇你嘅事，行得正企得正唔會驚，冇可能停止正常生活。」
採訪：張俊銘
攝影：葉君海
from:
http://hk.apple.nextmedia ... 150121/19009582
