決心獨力撫養兩個女兒的趙頌茹（阿Yu），昨日繼續努力出席活動賺錢養家，與同是媽媽的陳爽、鄭文及王宗堯等到旺角出席鞋履活動。周永恆（Roy）上週五被判普通襲擊罪成，阿Yu表示一直未有與對方聯絡，有指Roy好想與女兒於今日過冬節，但阿Yu明言擔心再「出事」，她說：「呢樣我控制唔到，因為關係到小朋友安全，不過佢哋父女關係係一世嘅，處理好曬個問題先啦。大女好懂事，因為佢從頭到尾都在場，佢知我唔開心會𠱁我，希望佢哋有簡單開心嘅童年生活。」
阿Yu昨日未有帶兩個女兒到場，她笑言身穿5吋高踭鞋不太方便，她說：「其實我都習慣一個人照顧兩個小朋友，可以一眼關七。但今日對鞋太高，怕佢哋追唔到搞到裙拉褲甩，我就會表露同平時唔到嘅樣。」聖誕將至，阿Yu表示未買禮物給小朋友，她說：「我好想佢哋知聖誕老人係自己嘅父母，同埋節日嘅由來。」
剛坐完月的陳爽俯身照顧小朋友，不小心露出深長事業線。
王宗堯被封「男神」後工作量大增，與黃紫盈一齊出席活動。
王宗堯一度提起美心妹妹的腳狂嗅。
王宗堯片酬照舊
十月剛誕兒子的陳爽，產後首度現身，見她露出修長美腿似乎已完全收身。她笑言兒子食量驚人，她說：「囝囝𠵱家兩個月大已經有6公斤重，我堅持餵人奶，老公精神同實際上都好支持我，沖涼換片都有幫手。」而因《選戰》爆紅的王宗堯透露最近出席活動次數大增，新年後將接拍一部短劇，問可會加酬勞？他說：「冇呀，劇本同導演緊要啲。」
採訪：藍文浩
攝影：葉君海
from:
http://hk.apple.nextmedia ... 141222/18976913
