現年33歲人妻鄭希怡（Yumiko），去年11月在泰國蘇梅島行禮後，再於今年9月註冊兼擺酒，嫁給化妝師梁學儲（Andy），她昨日在銅鑼灣時代廣場出席「小人國夢幻聖誕之旅」活動，穿上鬆身衫褲，腳踏半吋輕便鞋，Yumiko並即場宣佈有喜3個多月，預產期是明年4月中，陀著羊B的她要為寶寶改名「梁浸浸」。
【開心護肚】
Yumiko摸著肚仔，大爆老公恨仔，自己則想生女。
Yumiko和老公Andy造人成功，明年生羊B。
資料圖片
Yumiko嚮應采兒取生仔經，她希望好友黃伊汶都快點生B。資料圖片
BB改名「梁浸浸」
懷孕3個多月的Yumiko，未見腹部隆起，她昨說：「呢個係幾驚喜禮物，唔算喺計劃內，開頭諗住試嚇。」竟然一擊即中，Yumiko續說：「我成日同丁丁（應采兒）講，想過多啲二人世界，丁丁就同我講，你試嚇先，未必咁快有，可能天意啦！」Yumiko沒害喜情況，暫時都仍可繼續工作。
Yumiko笑言有喜後，老公視她為女王，她說：「係呀，我都好enjoy，覺得老公再體貼咗，我想食乜佢都出去買！」可有試過半夜要老公往買消夜，她說：「暫時未，但我好似有呢個特權呀，我𠵱家鍾意食辣。」可擔心BB將來曳曳？她說：「唔緊要啦，我都有報應，生得出嚟都唔會乖。」Yumiko未照得BB性別，她爆料老公恨仔，她想生女。
問到有想了名字嗎？Yumiko說：「未，叫『梁浸浸』啦，男女都啱。」Yumiko暫時一個夠曬數，將來會帶BB跟應采兒一家去旅行。可有催新婚老友黃伊汶也快快生，Yumiko說：「佢都快啦，佢啱啱結咗婚，朋友間都會互相影響。」
採訪、攝影：文國駿
from:
http://hk.apple.nextmedia ... 141121/18942028
