劉德華與洪金寶再次合作拍攝電影《老衛兵》，日前在俄羅斯取景拍攝，今次洪金寶更自導自演，華仔透露其實是他最先看到這個劇本：「我問完老闆江志強有冇興趣，再問大哥大（洪金寶）有冇興趣執導，跟住再叫佢不如演埋，其實係我求佢演先，到後來佢覺得有角色啱我，再搵我拍。」
洪金寶再度自導自演，會否覺得辛苦？他笑說：「完全冇問題，拿手啦。小菜一碟。」問到角色是甚麼？洪金寶搞笑地說：「我係做個人。」華仔在旁則笑稱：「我就係畜生。」洪金寶之後再認真表示今次是扮演退休保鑣，華仔則是他鄰居，賭錢又飲酒，更加不懂照顧屋企、女人及女兒，華仔表示：「今次係好大挑戰，我真實唔係嘛！」華仔多年前跟洪金寶合作，他稱對方為自己打下拍動作電影的基礎，華仔當年能否達到他的要求？洪金寶笑說：「符合，唔符合佢有排辛苦。」
劉德華（左）與洪金寶再次合拍新片，二人更在片中大鬥演技。
洪金寶太太高麗虹亦有到場探班，更親自煲齋湯給華仔喝。
洪金寶狂補維他命
合作拍新戲，華仔和洪金寶私下話題亦很多，而洪金寶和太太高麗虹得知華仔食齋，拍攝時更會親自煮齋湯給他。原來早前拍攝地點附近有粟米收成，洪金寶更親自採摘。華仔指洪金寶現時很注重健康，已比以前控制得更好，現在更會食維他命，洪金寶聞言笑說：「以前身體嘅維他命自己識生長，但𠵱家維他命走曬，所以要食囉。」
採訪：張俊銘
攝影：仇志德
From:
http://hk.apple.nextmedia ... 141003/18887091
