歡．舊愛 陳冠希正印出場三舊愛冇癮上周五（6月29日），陳冠希為自己的品牌CLOT 成立三周年開派對，仲拖埋女友Vincy （楊永晴）出場，證明自己事業愛情兩得意，真係威到盡。
不過，一心諗住嚟撐場嘅三位舊愛包括蕭亞軒、黃意（黃榕），同顏穎思，就真係大呼冇癮。蕭亞軒響派對開始咗冇耐就走咗。至於一向縱橫夜場嘅顏穎思，全晚竟然一個人坐埋一邊冇晒心機。最進取嘅都係黃意，當晚佢唔止玩到尾，離場時仲同一個響派對內認識嘅男性雙雙離開。又啱嘅，哥死哥還在，舊愛們趁後生搵過個咪仲實際！
Vincy
咁多個舊愛中，以黃意最進取，一晚之內就搵到新歡，不愧為性感艷星。
Edison 入場時罕有地拖住女友Vincy ，不過記者叫佢影相，佢就即刻擰歪面。咁唔大方，不如前後腳入嚟算啦！
