黃建東扮羅文挑戰難度

1^# 大中小 young 發表於 2014-9-19 18:08 發短消息

無線藝人黃建東（Derek）早前膽粗粗亮相《Sunday扮嘢王》，更選了一位家喻戶曉的人物來模仿，他說：「之前我做舞台劇同拍《瘋狂歷史補習社》都試過扮女人、阿伯同BB，我都希望畀大家認識到我搞笑嘅一面。所以當我一睇到公司招募同事們參加扮嘢比賽，我即刻第一時間報名，我仲揀咗扮羅文，但我身高同身形完全唔似，可以話係挑戰難度。不過羅文嘅唱腔同颱風都好有個人特色，又真係幾好扮，但我都睇咗過百條羅文嘅演出片段，我有信心捕捉到羅文嘅神髓，慶幸最後家燕姐（薛家燕）同王祖藍都爭相邀請我加入佢哋個組，再辛苦嘅付出都係值得嘅。」

黃建東扮嘢能力甚高，努力也終獲賞識。
from:http://orientaldaily.on.c ... /00282_039.html

廷伸閱讀/相關主題推介:

相關主題:羅文黃建東

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-9-14 22:25 發短消息

黃建東肉緊咀爆楊明唔敢俾莊思明睇？

前港男黃建東(東東)，近日喺大台劇集《為食神探》飾演一個camp爆同志，同楊明仲有肉緊咀對咀場面。東東話：「記得當初同楊明討論會係借位定係堅咀，大家都覺得係劇情需要，所以決定真咀，希望令觀眾留下深刻印象。」

東東話拍攝時現場工作人員嘩聲四起，個接吻鏡頭仲要NG咗好幾次：「原來拍咀戲，NG係一件好辛苦嘅事，因為好尷尬但係又要死撐，而我個角色又狼死又鹹濕。」

至於問到東東怕唔怕被定型做呢類角色：「其實冇得怕，因為自己讀戲劇出身好鍾意演戲，同埋觀眾仲未記得我個名，好希望觀眾可以記得TVB有個演員好豁得出去叫黃建東。」不過東東笑言希望莊思明冇睇到呢場戲，因為好驚激嬲阿嫂。
from:http://hk.apple.nextmedia ... 160906/19761159

TOP

3^# 大中小 young 發表於 2016-10-23 21:47 發短消息

黃建東呻入行辛酸

黃建東二次創作廣東話版《PPAP》，點擊率超過250萬。

黃建東參選香港先生時奪得「最具演藝潛能大獎」，但他自覺事業在倒退。資料圖片
前香港先生黃建東最近將日本洗腦歌《PPAP》以廣東話粗口諧音進行二次創作，上載YouTube只有3日，點擊率超過250萬。前晚黃建東於facebook發千字文多謝支持，及訴說入行5年辛酸。

黃建東表示選完香港先生後越做越不起眼，令他氣餒及自暴自棄，幾年間暴脹40磅。而他於台慶排位，由前年尾四退到去年最尾排，令他感到自己越來越冇用。黃建東說：「點解我會倒退緊？點解我唔係行前緊？點解同期港男港姐已經企到去人群中段，而自己就會越企越後，嗰一刻真係有啲想跳落台自行了斷。」黃建東表示自己太有表演慾，所以無論前路多辛苦也會繼續。

撰文：魯吉
from:http://hk.apple.nextmedia ... 161010/19795955

TOP

4^# 大中小 young 發表於 2016-10-30 16:31 發短消息

黃建東反串玩《PPAP》

前港男黃建東早前玩二次創作翻拍《PPAP學廣東話》，唔夠一個月累積一千萬人次點擊，於是阿東乘勝追擊，最近度咗一個印度反串版。

阿東嘅印度女裝造型同口音都真係幾搞鬼：「我好喜歡睇寶萊塢（Bollywood）嘅音樂劇，因為佢哋隨時隨地唔知喺邊度都可以突然走出嚟載歌載舞，然後唱完跳完就會消失非常搞笑，希望有機會可以參與Bollywood嘅電影。」

撰文：馮仁昭
from:http://hk.apple.nextmedia ... 161028/19814239

TOP