媽咪姐手記:陳見飛買環保乳貼
無論有冇錢，只要係女人，掃平嘢始終係天性嚟。
好似陳見飛咁，老竇陳澤民雖然唔係超級大富豪，但總算係有米之人，陳見飛絕對可以穿金戴銀，唔係名牌唔用。但上兩星期（6日），二五竟然響溫哥華列治文區，逢五、六夜晚至開嘅night market ，撞到陳見飛當街當巷買nu bra 。不過佢睇極唔多啱，最終就買咗10蚊加幣（約$75港元）一盒嘅乳貼。乜嘢乳貼要咁貴？原來係可以循環用300次喎！嘩，乳貼呢啲咁貼身嘅嘢，用完即棄啦，有冇咁好心機洗完再用呀！咁環保，真係要寫個「服」字俾佢！
買完乳貼食件炸雞，擘到個口咁大，完全唔顧儀態，真係free 。
陳見飛當街買乳貼（箭嘴），一啲都冇尷尬。不過佢咁身嬌肉貴，啲乳貼用完會唔會真係嗱去洗呢？
忽然一周第625期
