「宅男女神」周秀娜與組合C AllStar齊齊有份拍電影《分手100次》，日前一行人就上《東網》的《娛樂onShow》接受主持人俞詠文的訪問，自爆大家「合作不愉快」之餘，又分享情史！
周秀娜最憎男人以「拖字訣」處理分手。
周秀娜（Chrissie）於新片《分手100次》中擔任女主角，日前她與有份參與演出的組合C AllStar向《東網》的《娛樂onShow》主持人俞詠文大爆合作趣事。Chrissie就毫不客氣大呻與C AllStar合作鬧出「不愉快」經驗，更即場出口術互數：「第一次合作就話畀佢哋知我好惡死，佢哋就驚咗我咁滯（係邊個話畀佢哋知？）係喺戲入面。」同時間即有一把神秘聲插口：「睇到嘅。」Chrissie聽到後隨即望向身旁的C AllStar，「眼睥睥」誓要緝兇！
娜姐愛飛人
娜姐的霸氣亦當場震懾「年少無知」的C AllStar，更你推我讓唔出聲，最終成員陳建安（安仔）被出賣，惟有補飛：「我指喺戲入面睇到。」不過Chrissie似乎不肯「收貨」：「唔好扮嘢，我認得出把聲係你，你唔好諗住我同你拍咗兩個月戲會唔知。」另一成員梁釗峰（釗峰）惟有勸隊友道歉，以免講多錯多，果然「火藥味」甚濃。
C AllStar的梁釗峰（左起）、吳崇銘、陳健安及何建曦笑言娜姐惡死。
周秀娜和C AllStar接受《娛樂onShow》訪問。
其後Chrissie又自爆情史，坦言自己是「飛人一族」，每次分手都由自己提出！Chrissie更痛恨男人以「拖字訣」處理分手，直呼不能接受！想知道更多Chrissie同C AllStar的情史，就要密切留意《東網》的《娛樂onShow》啦！
文：專案組
From:
http://orientaldaily.on.c ... /00282_072.html
