（左起）林曉峰、鄭伊健、謝天華、陳小春、錢嘉樂昨日開記招宣佈開騷。
鄭伊健、陳小春、錢嘉樂、謝天華、林曉峰將於8月在紅館再度開騷，昨日在紅館後台開記招，為配合演唱會主題，他們會多挑選快歌，務求觀眾在場又唱又跳出汗，林曉峰更呼籲：「觀眾可以著比堅尼同泳褲入場睇騷。」伊健笑說：「草蜢組成咁多年近日開騷，我哋組成一年咁快都可以開騷。」
另外，有傳蒙嘉慧注射排卵針準備生B，伊健否認說：「唔係，你哋（記者）去問番嗰本雜誌，佢哋係主診醫生，到時開騷先講。」謝天華搭訕：「係咪唔講得住？」問到是否8月開騷才夠3個月能公佈？伊健說：「唔係呀！」但承認太太曾傷韌帶要休養。
from:
http://hk.apple.nextmedia ... 140613/18756686
