作為「香港十大傑出青年」的歌手關心妍（Jade），日前到正生書院綵排月底舉行的慈善晚會，Jade除了踩過百級樓梯幫手搬運物資外，還即場露兩手煮「大鑊飯」。首次煮八十人份量的Jade說最高難度是控制調味，她說：「今次簡直係我人生中最『大鑊』嘅一次，平時唱歌就以C-12（網上唱歌的別名）示人，一入廚房就變咗C-9（師奶）！」
關心妍落手落腳搬物資，搬到大汗疊細汗。
發哥捐作品拍賣
作為晚會籌委之一的Jade表示，今次是她的「處女作」，希望能借自己的知名度去幫助正生學生，她又提到十分榮幸獲酷愛攝影的神級巨星周潤發捐出相片作品拍賣，希望用善款為校舍增添設備。
問Jade對校舍最深刻的印象是甚麼？她說：「記得第一次嚟嘅時候，知道啲學生要用凍水沖涼，真係令我好震撼，喺香港呢個物質豐富嘅地方生活，真係好難想像到。」她又有感而發地說：「雖然學生嘅物質生活冇都市人咁好，但感受到佢哋嘅心靈係好幸福，因為覺得佢哋充滿希望。」
關心妍首次煮八十人份量的大鑊飯。
Jade向正生書院的學生循循善誘。
from:
http://orientaldaily.on.c ... /00282_056.html
