港姐陳凱琳（Grace）為無線J2台主持飲食節目，她表示不會為擔心體重上升而淺嘗美食，相反每次均大大啖試食。而另一主持鄧佩儀（Gloria），將於六月出發到巴西拍世界盃，行程前她更做足準備打九支預防針！
陳凱琳認為要食得開心，節制冇意思。
無線節目《搵食飯糰》的五位主持陳凱琳、李佳芯、鄧佩儀、陳國峰與溫家偉，昨到銅鑼灣食肆錄影，Grace被問到有否因拍飲食節目而體重上升？她表示未有上過磅，但從未刻意節食，一直靠做運動維持健康，沒有為體重而擔心。至於是否因未卸任港姐而要keep fit？她說：「其實選美時都有約埋一齊食消夜，食嘢要食得開心，如果下下就住就連mood都冇埋，所以拍節目時我都大大啖食，咁出嚟嘅效果先可以知道係好食！」
唔慣拍劇捱通宵
目前正拍攝新劇《商戰》的她，與胡定欣、陳國邦對手戲較多，她感激陳國邦教她做內心戲，她說：「佢睇得出你想學，佢就會肯教。（請佢飲茶？）一定會。」問到是否已適應拍劇？她說：「初時唔習慣，試過由夜晚九點拍到凌晨四點，時間較辛苦。」
鄧佩儀（中）將啟程赴巴西拍世界盃，溫家偉（右起）、陳凱琳、李佳芯與陳國峰送上禮物。
（左起）李佳芯、鄧佩儀、陳凱琳
由於Gloria六月初將往巴西為世界盃擔任外景主持，一眾主持人為她送上花環、太陽帽及太陽眼鏡，預祝她到當地工作順利。Gloria表示在巴西逗留五個星期，直言未有緊張但覺得興奮，第一次出埠工作的她已開始收拾行李，並買備大量蚊怕水。問她有否打預防針？她說：「有，打咗九支，仲有一次係打大髀，不過好好彩打完冇發燒。」她又表示與攝製隊同行，故不太擔心安全問題。
from:
http://orientaldaily.on.c ... /00282_015.html
