周秀娜今年母親節特地下廚為媽咪煮愛心大餐來慶祝，氹媽咪開心，又親手寫一張愛心字條給媽咪表達愛意。另外，黃心穎就為身在溫哥華的媽咪送上禮物和鮮花，她大讚媽咪樣子青春身材Fit爆，想以媽咪為目標。朱晨麗則最實際，送錢給媽咪。
周秀娜透露將為母親煮愛心大餐慶祝。
為慶祝母親節，「宅男女神」周秀娜專誠寫了一張愛心字條給媽媽，祝她母親節快樂。她除了畫上多個心心圖案外，更專誠畫了一個太陽，笑言：「佢喺我心中，就好似太陽一樣！」她透露今年母親節親自下廚，並說：「因為我依家工作好忙，其實佢見到我已經好開心。如果我真係煮餐飯畀佢食，佢一定好難以置信。」她又坦言甚少下廚，更未曾試過煮「一枱餸」，笑言希望媽媽吃飯後不會肚屙。
問到打算送甚麼禮物給媽媽？她表示多年前曾送香水給她，她非常喜歡，但當她用完想再買時，卻發現該香水已停產。她續說：「我依家每次出trip，都周圍搵有冇嗰隻香水，不過真係搵極都搵唔到。希望皇天不負有心人，有一日會畀我搵到佢啦！」
周秀娜親手寫愛心字條給媽咪表愛意。
黃心穎（右）大讚媽咪青春，會以她為目標，而朱晨麗則希望有男友做母親節禮物。
黃心穎以媽咪為目標
另黃心穎昨日出席活動時就表示媽咪身在溫哥華，故沒有特別慶祝母親節，但亦會致電給媽咪，並為她送上禮物和鮮花，黃心穎說：「我都想飛返去但無假，等有時間先，媽咪耐唔耐都會嚟探我。」她又大讚媽咪樣子青春兼身材Fit爆，想以她為目標。
同場的朱晨麗則表示和媽咪互送驚喜給對方，她說：「我之前送咗大禮畀媽咪，係送錢，媽咪就嚟咗香港探我。（帶個男朋友見媽咪當禮物？）我都想，不過呢啲講緣分，唔會為咗送禮物畀媽咪就求其搵個男仔，要真係鍾意先得。」
周秀娜化妝：Yan Chiu @ ND & Co.
髮型：Daniel Cheng @ Amarone Hair Salon
From:
http://orientaldaily.on.c ... /00282_013.html
