孫敬安嬲爆擬告誹謗鄭多燕離港眼濕濕

韓國塑身天后鄭多燕一連兩場《鄭多燕萬人熱辣Show》，前晚在是非之下結束，雖然鄭多燕前日開騷前開記者會炮轟主辦單位安排貨不對辦，繼而搞手孫敬安扯火還擊，但前晚未有影響鄭多燕演出水準，依然非常投入。昨日鄭多燕飛返韓國，對於孫敬安反擊指她無理取鬧，鄭多燕說：「感激主辦單位準備了很多，令我可以和粉絲一起呼吸和流汗，感動到想流淚。」她眼泛淚光續說：「現場見到有小朋友叫我的名字，非常感動。」對孫敬安指她年紀大，她坦承：「我不年輕，但希望以我這個年紀的魅力，給別人帶來希望，我是有些不足，希望多些人能在寬闊的空間做運動。」

坐的士到機場的鄭多燕友善跟傳媒打招呼。

鄭多燕（中）同隨行團隊齊擺心形甫士賀母親節。

自由行戴帽男捉了鄭多燕的助教（右二）影合照。

慶功宴零溝通

原來前晚孫敬安於灣仔一餐廳舉行慶功宴，鄭多燕也有出席，還跟孫敬安等人大合照。孫敬安昨在電話中說：「佢鬧我鬧得咁犀利，以為佢唔去，噚晚佢突然間出現，喺我面前鞠躬，我禮貌上咪起番身鞠躬囉。」雙方有沒有趁機會好好溝通？孫敬安謂：「冇呀，佢好忙不停影相，影完返入房食嘢。」

孫敬安續說：「佢（鄭多燕）話個台同投射係合約寫明有，呢樣係假嘅，我一月份同佢簽約，簽完之後先至搵導演埋班，嗰陣時點知係乜嘢台？點可能合約寫明有乜喺度？佢誤導咗人哋以為我違約，貨不對辦，呢樣對我公司聲譽好有損害，所以我會考慮搵律師告佢誹謗。」

鄭多燕同孫敬安掀完罵戰後又齊齊出席慶功宴。

盧敏儀激動落淚

孫敬安太太盧敏儀昨在電話中一度激動落淚說：「佢（鄭多燕）為咗保護自己咁樣講嘢，我哋做錯啲乜嘢？我投資蝕錢冇講過你一句，由頭到尾我哋係認衰，點解啲人反轉嚟講？好唔開心囉！」盧敏儀昨晚再致電記者說：「其實我哋唔係撩交嗌，我哋只係回應番佢講嘅嘢，我哋都想以和為貴，所以我叫老公唔好採取法律行動。」

採訪、攝影：徐錦池、吳耀輝、白白
From:http://hk.apple.nextmedia ... 140512/18716867

雖然入場觀眾比預期少，但鄭多燕前晚仍然表現落力，尾段更換上性感小背心及熱褲教fans跳figurerobics。

一連兩晚「鄭多燕萬人熱辣show」前晚開鑼，搞手孫敬安開騷前說要蝕200萬，因為原本計劃每場有五千人，但前晚只有近1400名觀眾入場。鄭多燕前晚雖然表現落力，但昨午她突然於灣仔一酒店召開記者會，炮轟主辦單位安排貨不對辦，令她很失望。

鄭多燕透過繙譯說：「其實我的團隊只係收少少錢，主要係想推廣運動，可以多些人來，但後來知道票價都幾貴，所以影響入場人數。」她認為場地容納1000人最好，太多人都會影響運動質素，稱為「萬人show」就太誇張，她表示主辦單位原本說好有的旋轉舞台及大銀幕最後都沒有，令她感到十分徬徨。

鄭：票價都幾貴

身為搞手的馬天尼老闆孫敬安，昨在電話中反擊鄭多燕說：「我蝕本都從來冇話任何人，我仲喺facebook讚佢專業，話我啲票賣得貴？韓星個個都賣過千蚊，我主要都係賣480同320，後尾團購重賣288同188，一樣唔賣得，根本就唔關貴唔貴事！由頭到尾我都冇賴佢，佢噚日（前日）唔肯做訪問，我都有幫佢喺記者面前打圓場話佢隻眼唔舒服，佢𠵱家咁對我，我咪死得好冤枉？」

前晚鄭多燕開騷前同搞手孫敬安齊齊拜神切燒豬，昨日就開火互鬧，相信都幾難再合作。

鄭多燕昨日舉行記者會，炮轟今次來港演出，主辦單位貨不對辦。

入場人數少，鄭多燕怪門票價格太貴。

孫：踩人唔應該

鄭多燕投訴貨不對辦，孫敬安指旋轉舞台是他提議在先，但鄭多燕擔心旋轉時舞台「窒窒吓」，跳舞時若跌低會好危險才打消念頭，而沒有大銀幕則因觀眾少沒此需要。孫敬安說：「佢年紀大，要保護自己聲名，但咁踩人真係唔應該。佢根本係無理取鬧，總之公道自在人心。」而昨晚尾場亦只得近千人入場。

採訪、攝影：卓寶花、陳志嵐、溫敏芝
From:http://hk.apple.nextmedia ... 140511/18715965

韓國瘦身天后完成兩場香港演出後，昨早與助教乘的士到機場返國。前晚完騷後，鄭多燕與經理人出席慶功宴，並向主辦單位負責人孫敬安鞠躬，孫昨接受電話訪問時說：「可能佢有歉意，都冇預佢嚟，以為佢嬲！」至於鄭多燕為何要坐的士去機場？孫稱本有預備車輛接送，但他們提前出發，故改坐的士，但會向主辦方申領車資。

鄭多燕在機場擺出可愛甫士。

鄭多燕昨早一度眼濕濕，她說：「多謝主辦單位為我哋準備好多嘢，令我好感動，想流淚。（主辦單位不滿你私下開記者會？）係公司安排，都唔係負面新聞，冇話安排不當，唔明點解唔開心。」
from:http://orientaldaily.on.c ... /00282_019.html