老婆陳茵媺生仔，陳豪陪產陪坐月，近乎一年冇拍劇。寶貝仔Aiden Joshua已經五個月大，陳豪終於捨得全面復工，埋位同胡杏兒合作新劇《陪着你走》。
上星期一（四月二十八日）冇通告，陳豪趁得閒過中環剪頭髮，整完頭再摩打腳咁走去太子大廈Oliver's快買，知頭知路嘅佢，由買到拍卡俾錢，三分鐘搞掂。
爭分奪秒，毋非想快啲返屋企。成日話寧願自己捱，唔想老婆辛苦嘅陳豪，顧家又黐家；陳茵媺嘅福氣，確實比唔知足嘅廖碧兒好百倍。
由買到埋櫃位俾錢，只係三分鐘時間，陳豪歸心似箭。
陳豪話只要陳茵媺同囝囝Aiden Joshua生活無憂，自己辛苦都值得。
復工拍無綫劇，陳豪同喺《陪着你走》做視障人士要用導盲犬嘅胡杏兒再合作。
撰文︰八珍
