身材驕人的「寸嘴Barbie」夏尉喻趁中秋節扮成玉兔，擺出趣怪甫士及表情氹大家開心，這隻擁有35D勁爆身材的Barbie兔，自爆最愛食月餅，但今年要應付新片的露肉戲，無奈要忍口節食，惟有請劇組人員分甘同味。
孝順的Barbie會先陪家人慶中秋，才與朋友出外遊玩。
趁着中秋，「寸嘴Barbie」夏尉喻戴上兔耳仔扮巨胸玉兔，身穿白色連色裙谷出35D澎湃上圍，搞笑的Barbie又擺蘭花手配合這個傳統佳節。
為食Barbie笑言每年都會狂吃月餅，增磅收場，但今年要拍攝電影《喜愛夜蒲3》，有不少露肉及親熱戲，因此要忍口防暴脹：「我最鍾意食水果味冰皮月餅同奶黃月餅，咩味都想試，但依家唔肥得，所以會買多啲同劇組分甘同味。」
Barbie透露中學時期身形暴脹，「魔鬼身材」是近幾年努力的成果。
Barbie在《喜愛夜蒲3》有不少露肉戲，所以保持最佳狀態。
中學時期暴脹
自認傳統的她會做乖乖女跟家人賞月慶中秋，之後才與好友遊玩，問到會否瞞住父母出夜街？她笑說：「唔使瞞，講聲就OK，因為我好自律，唔會煲蠟又唔會曳。」
擁有勁爆上圍的Barbie身形比例奇特，「胸大過頭」經常成功搶鏡，但她直言身材是這幾年「練成」的事，若遇着生理周期，上圍更會暴升兩Cup，認真得天獨厚，對於豐胸秘笈，她說：「會食好多果仁、杏仁同高熱量嘅嘢，最近又有sponsor，幫我同時豐胸又瘦手腳。」小時候的Barbie個子細小不起眼，出生時只得五磅，到中學時暴脹至138磅，整個人也肥嘟嘟，因此從來沒有因身材被睇中：「係有人示愛，但我咁嘅身形，應該係欣賞我性格多啲。（同學笑你身形？）又冇，我多數着鬆身衫，面又唔係肥。」
from:
http://orientaldaily.on.c ... /00282_032.html
