撇低愛女撐枱腳盈盈胸壓樂樂扭計食雪糕

湯盈盈今年3月為錢嘉樂誕下愛女Alyssa，唔經唔覺，囡囡就嚟半歲大，盈盈同樂樂亦開始有番啲私人時間。最近有纖體公司搵盈盈做代言人，日前佢出嚟宣傳時已見收身成果，可以性感示人。

人龍太長作罷

盈盈自言有媽咪幫手湊女，所以兩公婆可以偷得浮生，前晚9點幾，盈盈同樂樂拍拖去大坑撐枱腳，幾經選擇後，佢哋搵咗間日本料理開餐。坐低冇耐，盈盈已經叫咗幾款魚生，樂樂好似冇乜胃口，只係叫咗一壺清酒自斟自飲，其間仲不停講電話，又徒手清潔牙罅。至於盈盈可能真係戒口太耐，見佢將纖體代言嘅責任放埋一邊，食到冇停口。
[img]
湯盈盈同錢嘉樂前晚喺大坑拍拖夜遊，幾乎全程都十指緊扣，好甜蜜！

撐完枱腳，盈盈做司機車老公樂樂。

盈盈同樂樂食咗一個鐘有多，之後就十指緊扣離開，食到心滿意足嘅盈盈仲好似小鳥依人咁黐實老公。佢哋喺大坑一帶行咗一陣，去到一間分子雪糕店時，盈盈同樂樂都停低睇，盈盈以一個好想食嘅眼神望住老公，仲成個身貼住老公㖭，睇嚟扭計博得逞。不過樂樂就以一個好肯定啲眼神，仲指向正喺店外排隊嘅人龍，令到盈盈打消食雪糕嘅念頭。食唔成雪糕，兩公婆行返去架車度，飲咗酒嘅樂樂好乖，將揸車嘅責任交畀只係飲少少嘅盈盈身上。

採訪、攝影：梁繼光、李志明

錢嘉樂徒手清潔牙罅，有欠衞生喎。

樂樂掛住玩手機，盈盈就掛住食嘢，各自精采。
from:http://hk.apple.nextmedia ... 130823/18390579

湯盈盈自為錢嘉樂誕下女兒Alyssa後，愛女如命的她連月專心湊女，不過前晚夫婦卻撇下女兒，享受二人世界。當晚大約八時許，盈盈與老公驅車到達大坑後，便雙雙步入該處的日本食肆撐枱腳，甫坐下他們已點了滿枱美食，努力修身後纖瘦不少的盈盈，當見食物到來時，極為肚餓的她立即大啖吃，逗留了約一小時才埋單離開。

為食的盈盈拖住老公前往雪糕店。

盈盈歎完日菜後又打算歎飯後甜品，見她拖着老公步往了附近的雪糕店，不過揀完一輪後，為保身材的盈盈最終仍忍口沒有購買，「望梅止渴」後她便往取車，早年曾停牌的盈盈更充當司機接載老公回家。
from:http://orientaldaily.on.c ... /00282_024.html