最近周秀娜舊愛陳偉成（Avis）再次成為是非人物，自從Avis高調拖女友尹蓁晞（Yumi）出席活動後，就好似自我引爆連串風波，好似「柑桔」陳蕊蕊自爆同Avis暗交半年，又話自己信錯人；之後Avis又反擊，明示有人博宣傳；
又咁啱爆出金剛其實同陳蕊蕊拍拖四個月，金剛公開插爆Avis，話要宣傳唔使靠佢，兩男連日來喺網上隔空駁火互插，但插完又要刪走留言。
至於Avis沐浴愛河後，連日來都貼同Yumi親密合照，由晒恩愛變咗晒命，真係慌死人唔知佢兩個拍緊拖。前晚Avis又嚟料，喺微博貼咗張同Yumi合照（至少貼咗五張），佢仲留言話：「受夠了。我們投降啦。享受下籃球生活，離開你的魔鬼生活。」而女友Yumi就覆佢：「籃球很好玩。」
咁陳蕊蕊又點呢？佢前日喺微博就透露自己上完DJ班，至晚上就表示跑完步跟住練拳，然後再趕去排舞，好忙咁款，到昨日凌晨佢再貼咗張自拍照，語帶相關話：「Tired~~」唔知係咪就近日是非導致身心俱疲呢？
from:
http://hk.apple.nextmedia ... 130822/18389299
