香港測量師學會房屋政策小組主席潘永祥表示，政府表明樓市若再升，會毫不猶疑出招，且政府正積極推地，加上市場預期明年美國加息，在多個負面因素下，預期下半年本港樓市跌5%至10%。他不鼓勵市民現階段買樓，認為目前入市風險過高。
潘永祥認為目前入市風險過高，不鼓勵市民現階段買樓。
樓市周期調整最少幾年
潘永祥稱，物業樓價不是因實際經濟增長而上升，而是因熱錢上漲，準買家就要小心，「尤其好多人話利息低，忍唔住買樓。查實（未買樓）每年只是蝕緊一、兩個巴仙嘅利息，就算五年都只是十個巴仙；然而，樓價上落一成，一舖歸返晒本啦﹗」
他覺得以目前的時勢而言，「除非有特殊理由，否則不鼓勵在高樓價嘅時候，作出高風險嘅投資。」他補充說：「今次嘅回調，唔係講半年，樓市周期最少幾年，估計今次最少兩至三年。」對於有意見認為政府再無招可出，他並不贊同，指如果政府有決心令樓價下跌，方法有好多，但需要顧及政治因素，例如再推加倍印花稅、調整物業利得稅等。
嶺南大學經濟系教授何濼生亦指出，買家恐怕政府會再出招，又驚息口上升，無人敢入市，所以下半年樓市將會持續疲弱，惟樓價難大跌，預期跌幅在10%內。他批評政府出錯招，「辣招令置業成本增加，令買家卻步，咁唔係幫買家買樓，而是打擊佢入市，方向唔啱，影響資產流通。」
何濼生認為，政府角色應致力增加供應，減少干預，「市民唔敢買，焗住去租樓，租樓嘅錢是一去不返，你寧願貴少少買，買咗係自己嘅物業。有能力就買，無能力就等，你（政府）唔能夠滿足所有人，只能滿足部份人嘅需要，最緊要是銀行體系健全。」
from:
http://hk.apple.nextmedia ... 130718/18338468
