只要堅持，總有出頭天！前晚首播的無線新節目《星夢傳奇》，讓旗下藝員參加比賽圓歌星夢，在觀眾見證下，不少藝員唱功猶勝歌手，包括在無線默默耕耘十年的四線藝員鄭俊弘，憑突出表現贏得評判讚賞，風頭甚至蓋過被力捧的黃智雯、梁烈唯。一唱成名的鄭俊弘原來只有一個渺小願望，就是望觀眾講得出他的名字。
被喻為藝員版《超級巨星》的《星夢傳奇》前晚播映第一集，坊間迴響甚大，對於事前被指內定三甲人選的梁烈唯，在節目中僅表現合格，黃智雯更因最低分即晚被out出局，反而現年29歲、曾演出無線劇《法證先鋒II》、《大太監》的四線藝員鄭俊弘得分最高，他選唱陳奕迅的《時代曲》獲評審推崇，得觀眾認同，有網民大讚藝員比不少歌星還要唱得好，而鄭俊弘的永不放棄精神，帶出了另一個勵志故事。
鄭俊弘加入無線十年來對音樂的熱愛有增無減，終於憑《星夢傳奇》等到出頭天。
「拍咗約四十幾部劇」
演唱前，加入無線十年的鄭俊弘坦言：「喺無線拍咗約四十幾部劇，大多數都係配角、客串，我鍾意藝術，一定唔會放棄，總有出頭天，只要堅持一定會等到，最少得著係行到出街，人哋見到我講得出我個名。」
鄭俊弘前晚在《星夢傳奇》選唱陳奕迅的《時代曲》，獲得全場最高分。黃智雯雖受力捧，但因表現差得最低分而出局。
願望渺小的鄭俊弘於01年參加無線舉辦的《2001年全球華人新秀歌唱大賽》，雖獲現場最具風采獎、突破新秀巨星演繹獎和網上完美之聲大獎，但遇上唱片公司大地震，無奈轉做演員。鄭俊弘日前接受本報記者專訪時透露，今次在經理人支持下報名參加《星夢》，他說：「十年窗下無人問，一舉成名天下知。我想我另一面俾人睇到，唔係只係做人哋細佬嘅角色，苦等十年，只求觀眾講得出我個名。」
在《星夢》錄影當晚，鄭俊弘吐心聲講出願望，但求有日出街有人叫得出他的名字，言談間頗有點欷歔，他笑言：「係㗎，好多人都覺得我仲係新人，如果唔試，將來唔知會點，我唔想後悔，想有一個認同，不過近呢兩年同無線簽咗經理人合約，點都好過以前，起碼叫做有人留意到。」最終，鄭俊弘竟然是憑他的唱功，成功吸引觀眾、網民關注，更有網民即時在facebook為他開設「鄭俊弘我認得你」的專頁。
對於外間的大迴響，鄭俊弘昨接受電話訪問時說：「嗰晚我覺得好感動，好緊張，隻手出曬汗，可能我太緊張，覺得自己演出唔好。睇到啲預告片，雖然只係得一、兩秒，但都忍唔住喊，真係感動。我今日出街時，有啲朋友同我講，話知道我叫乜嘢名，叫我加油！」
表現欠理想的張名雅（中）雖接受出局命運，但仍忍不住落淚。《星夢傳奇》請來葉蒨文（右）和巫啟賢等歌星擔任評審，葉蒨文更給鄭俊弘97分。
黃智雯被out：揀錯歌
至於被力捧的黃智雯前晚唱吳雨霏的《愛是最大權利》，結果得分最低而被out，她日前接受訪問時說：「嗰首歌真係難度好高，我都覺得有啲揀錯歌，不過我想挑戰同突破自己，拍劇都有一段時間，想試嚇跳出個框框，唔試過都唔知發生乜嘢事，但我冇俾呢件事打擊到，唱歌唔係我專長，唱得唔好咪去改囉！」
另外，無線昨公佈收視，《星夢傳奇》平均21點（約135萬觀眾），最高24點（約154萬觀眾），比之前的《順峰順水》上升5點。
from:
http://hk.apple.nextmedia.com/entertainment/art/20130709/18327460
