一年一度的書展7月17日殺到，雖然由扒女升呢變女神的𡃁模始祖Angelababy及周秀娜收山唔玩，不過尚有一班未上岸的𡃁模再戰江湖。當中以暗撬娜姐男友Avis的32C羅彩玲（Vivian）及阿叻新女魔鬼胸蔚雨芯（Rainky）最搏，剝光上身，夾胸露半球，爭做寫真女王。
另有半熟玉女鍾嘉欣同餅女楊愛瑾（Miki）純情大解放。呢個暑假，差不多有廿幾個𡃁模齊齊開波，除了各方位射球，更大玩留前鬥後，令「球迷」乍驚乍喜！
寫真大戰年年開波鬥火辣，今年廿多個𡃁模中，第二次參戰的嫩口辣妹羅彩玲（Vivian）再次乘勢出擊。32C的她不但玩半裸，更以中性造型大開中門。19歲卜卜脆強調冇整容的Vivian，自信爆燈說：「我sell純天然，有自己特徵，唔會同人撞樣。希望半裸可以吸引廣告商，俾纖體公司睇清楚我身材。我嘅寫真唔會意識不良，相信冇乜競爭對手。」
玩半裸的除了Vivian，還有32D「魔鬼胸」蔚雨芯（Rainky）。Rainky話：「今次好大膽！我明白做歌手着得密實，唱歌幾好都冇人會留意。今次寫真係想配合新歌，赤裸上身嗰part，原本用手遮胸，不過攝影師話用膝頭遮仲好。」好彩Rainky冇用手遮，否則就同宿敵Vivian撞到正！
羅彩玲《Lively》
賣點：半裸露5吋事業線，Angelababy做形象顧問設計廿款造型。
頁數：128頁
售價：$128
噴血度：★★★★★（5分滿分）
Vivian大玩中性feel，莫非想連女同志fans都吸納埋？
擁32C的羅彩玲，今年棄用沙灘水着造型，走fashion路線，騷胸又騷腿。
羅彩玲交足戲，嘴擘擘表情鬼咁誘人，加上側身一夾，西半球無所遁形。
蔚雨芯《R》
賣點：32D魔鬼胸，在寫真中露盡西南半球。
頁數：200頁
售價：未定
噴血度：★★★★1/2
寫真集有正路嘅三點式，亦有漏奶走波地，務求360度露半球。
寫真內的抱膝壓胸半裸照非常養眼，Rainky話係自己性感極限，聽住先啦！
變臉成精一班𡃁模經過N次改造，少啲眼力都認佢哋唔出！
Donut《Donut×inside 2013》
賣點：由陳冠希舊愛Cammi率領12𡃁模，大玩妄攝及制服誘惑。
頁數：128
售價：$118
噴血度：★★★★1/2
Cammi
Elise
Bonnie
《Happy Bonnie》
賣點：21歲Bonnie（梁晶晶）挺住33C去日本玩變身feel。
頁數：未定
售價：約$108
噴血度：★★★1/2
孫旗
《Only孫旗》
賣點：孫旗（Keiko）在facebook晒性感照博得經理人賞識，更以韓式祼妝扮清純。
頁數：未定
售價：約$108
噴血度：★★★
仙樂都
《Reborn》
賣點：34D仙樂都全靠被龍心抽水上位，書中繼續「賣大包」。
頁數：112頁
售價：$88
噴血度：★★★
玉女插旗倒奶噴血寫真夠搶，不過力sell純情的鍾嘉欣、餅女楊愛瑾（Miki）亦有市場。嘉欣BB雖然冇惹火身材，但處女寫真依然令宅男萬眾期待。寫真於關島取景，有素顏天然look，當然少不了水着上陣。嘉欣BB講到明泳衣外會加衫，不過若隱若現仲誘人！
簽新公司再戰娛圈的楊愛瑾，一樣有水着look，明知31B身材唔夠撼，Miki大玩視聽效果。寫真有她親自撰文，大談於娛圈打滾十年的感受，又附送單曲碟。Miki話：「為拍寫真，我keep住97磅，唔係想sell身材，只係想出鏡靚啲啫。」
鬥倒奶sell純情，寫真大戰各走極端，雖然未到最後難定輸贏，不過一班「睇肉家」就贏晒！
楊愛瑾《Mikitopia》
賣點：自Cookies年代出過寫真後，相隔十年楊愛瑾（Miki）再戰江湖。本書集文字、相片及CD於一身，仲有其他Cookies成員寫序力撐。
頁數：約140頁
售價：約$150
噴血度：★★★1/2
Miki的寫真集取景泰國象島，在酒店內拍攝，每日凌晨5時開始，拍攝至深夜才收工，拍足一星期。
鍾嘉欣
早前拍纖體廣告，嘉欣BB已經身穿火紅三點式上陣，估計寫真都唔會令fans失望。
書名未定
賣點：嘉欣BB首本寫真集，在關島取景，鍾嘉欣以比堅尼上陣，收益捐作慈善用途。
頁數：未定
售價：約$150-200
噴血度：★★★★1/2
樂而巧淫近年寫真愈鬥愈激，除了鬥露肉，一班𡃁模意識上愈玩愈大膽。娜姐搞到一身雪糕、牙膏只是開始，Mia更扮機械女僕自摸，Phoebe玩八字波，愈來愈刁鑽。
09年娜姐牙膏滴罅
11年趙碩之濕暈伴浴
12年Mia自摸女僕
12年Phoebe波中有波
