愛寵物物似主人形，寵物反映主人個性。秘戀古天樂嘅陳喬恩，養咗隻識擺甫士嘅肥貓，同主人一樣咁識搶鏡；胡定欣想玩貓，不過愛貓就掛住瞓；炎亞綸一用膳時，愛犬就望到實，同主人一樣咁為食！
陳喬恩 鬼馬肥貓同古天樂秘戀嘅陳喬恩，在家中養咗兩隻肥貓，仲輪住將佢哋放上網。其中一隻黐埋落張同色嘅地氈度，大晒鬼馬拗腰睡姿；另一隻貓「肉包」仲搞笑，身軀肥肥但就鍾意屈喺細細個貓竇度，最搞鬼係鍾意上鏡，擺定甫士任影唔嬲。
人同貓都咁正！（設計對白）
胡定欣 扮死懶貓
胡定欣放假，本來想喺屋企玩貓，點知貓貓掛住瞓，個睡姿仲瞓到好似死咗咁。玩貓無望，谷住啖氣嘅胡定欣素顏上鏡，又keep得幾好喎！
何超蓮 可愛兔女
戀上台星吳克群嘅何超蓮，在感情滋潤下愈來愈可愛。佢在微博扮兔仔，雖然唔係性感兔女郎，不過一樣醒神。超蓮自嘆無聊，吳生要做嘢𠱁女友先得嘞！
炎亞綸 念力貴婦拍《惡作劇2吻》上位嘅炎亞綸，近日舊患復發，右腳十字韌帶又斷裂，反而多咗時間陪愛犬。炎亞綸隻玩具貴婦狗十分為食，見到主人用膳，就將個頭放喺枱面，發放念力要主人俾佢食，十分可愛。
