集郵港姐張名雅

應屆香港小姐冠軍兼國際親善小姐張名雅（Carat），在周日（24日）即將代表香港出戰今屆華姐。別以為港姐愛扮靚，原來張名雅閒來最愛集郵。Carat話：「因為爸爸係集郵發燒友，我自細就集郵，喺溫哥華讀書時，已經專揀當地特別嘅郵票嚟儲。依家旅行，去郵局買郵票亦都係必定啲行程。」

千禧港姐

不少集郵fans都有儲埋地鐵車票，Carat亦唔例外。二千年推出嘅「千禧年香港小姐」地鐵車票，售價二百元有找，係佢嘅珍藏。Carat都是港姐冠軍，這套地鐵車票更有意義。

性感Icon

九五年美國郵政局推出的荷里活巨星系列，占士甸及瑪麗蓮夢露榜上有名。Carat指原價只是港幣百多元，但現時炒價已經逾千元。

隕落巨星

○五年香港郵政局推出梅艷芳、張國榮、陳百強、羅文及黃家駒的紀念郵票。阿梅及哥哥是Carat最喜歡的歌星，當時一版阿梅郵票（25枚）只需125元，現在炒價千餘元。

追捧女皇

不論用過或是未用過嘅郵票，Carat都喜歡儲。而這款用過嘅英女皇郵票，具殖民地感覺，是Carat童年時收集，更是珍貴。

奧運狂熱

奧運會係Carat另一個集郵題目。Carat嘅姨媽喺美國居住，故Carat不費吹灰之力就得到96年亞特蘭大奧運紀念郵票（左）。至於08年北京奧運火炬傳送郵票（右），Carat當時原價購入小版張需要$388，現時炒價接近二千元。

多國動物

Carat去旅行都會搜購當地郵票，去新加坡及新西蘭旅行時，都買了不少以動物為主題嘅郵票。在新西蘭時，由於搵咗好耐至搵到郵局，她更刻意購入各種幣值郵票慰勞自己。