內地一直禁拍鬼片，不少香港公司為遷就內地市場只好放棄拍攝，導致近年鬼片幾乎在港絕種。但今年6月，張家輝計劃首次執導，自導自演一部驚嚇指數到十分的鬼片《神功戲》，女主角有劉心悠和楊穎（Angelababy），由於這部片放棄內地市場，為圓導演夢，家輝願意片酬減半接演。
劉心悠（左）曾演過鬼片，家輝覺得她很適合拍其處男作。《黑夜》劇照
貴為影帝的張家輝於86年出道至今，一直有心願想開製作公司，拍自己喜歡的題材，最近他手頭上有一個鬼故事《神功戲》，故事驚嚇指數很高，以內地的審批制度，該片不可能在內地上映，故找投資者比較困難，但皇天不負有心人，家輝終找到公司支持，為控制成本，他更願減片酬促成此事。
被睇中演鬼片的Baby，已提早跟家人吃了團年飯。
棄內地市場
昨日記者向家輝求證是否要當導演，他接受電話訪問說：「喺香港全盛時期，動作、喜劇同鬼片都係主流電影之一，但近年嚟因為內地禁鬼片，香港公司為遷就內地市場都唔願投資鬼片，勉強開拍最後劇情都要話主角係發夢見鬼，又或者係有精神病、幻覺見到鬼，咁拍鬼片到喉唔到肺，我要拍一部實實在在好恐怖嘅鬼片，等觀眾睇得過癮啲。」
今次做導演，家輝指是因為機緣巧合：「原本有間公司想搵我拍一部動作片，但我覺得冇新意，提議改拍鬼片，投資者話拍純鬼片冇內地市場，除非我可以自導自演，成本控制1,000萬以內，佢就投資，咁我知要促成呢件事，自己要有所犧牲，我答應佢，仲肯大幅減片酬，終於搞掂資金問題。」
該片女主角屬意Angelababy和劉心悠，假若落實演出的話，可能要跟師傅學習京劇造手，家輝笑言：「拍純港片，女主角梗係用番自己友，近年合拍片全部由內地演員做女主角，香港就嚟冇女星出頭，我當然要撐番香港女星啦！」
此外，蛇女Baby提早向粉絲拜年，她揚言絕不做大懶蛇，反而要充滿活力，大年初一亦繼續工作，Baby說：「其實我呢五年嘅年初一都照開工，已成為我嘅『習俗』，每年我都提早同父母團年同拜年，今年都唔例外。」
from:
http://hk.apple.nextmedia ... 130208/18159916
