發新話題 Report thanks

谷德昭拍拖掃半價衫

現年47歲嘅谷德昭(肥谷)雖然不時被影到夜蒲及與異性約會,但佢同31歲嘅女友林子萱感情一直都好穩定,兩個人拍拖十年打風都打唔甩。好似前日下晝5點幾,記者發現肥谷孖住林子萱喺銅鑼灣拍拖行街,不過佢兩個就唔似一般情侶咁拖住手,而係行到離行離列,慌死人知道佢哋拍拖咁。

谷德昭拍拖掃半價衫圖片1谷德昭拍拖掃半價衫圖片2
前日谷德昭同女友林子萱喺銅鑼灣一間時裝店睇衫,咁啱舖頭大減價,最低減到半價,咁抵買,難怪肥谷同女友喺舖頭狂試衫啦!

谷德昭拍拖掃半價衫圖片3谷德昭拍拖掃半價衫圖片4
「啱心水就買」

肥谷同林子萱行咗去時代廣場嗰間Ralph Lauren嘅副線Denim& Supply睇衫,一入到舖頭,肥谷就急不及待除低自己件背心,狂試格仔背心同外套,林子萱就喺女裝嗰邊試帽。唔知肥谷係咪擔心自己試衫試得太忘形冷落女友,佢突然間左望右望搵女友,跟住問佢:「啱唔啱心水呀?」林子萱就猛話:「抵喎!半價呀。」肥谷聽到女友咁講,就叫女友:「啱心水就買。」

之後肥谷自己試帽,都有問女友意見,兩個人前後揀咗成45分鐘都未離開。冇幾耐,肥谷發現有記者喺度,佢竟然同女友由秘道閃走咗,拍拖使唔使拍得咁鬼祟呀!

From:http://hk.apple.nextmedia ... 130119/18139459
如果您喜歡這篇文章,請按「讚」或分享給您的朋友,以示鼓勵。

TOP

thanks