近排冇乜搞作嘅模Art Janice Man（文詠珊），唔經唔覺上月29日已經24歲。正日生日前，JM仲約咗班朋友開P慶祝。
FBI亦收到風，當晚生日會，同JM慶祝生日全部都係女性朋友，而佢班朋友仲特登訂咗個cute爆肥豬蛋糕送畀壽星女，搞到JM鬼咁感動。而JM許願時，就希望新一年可以有新開始，再接再厲重新出發，仲話想遇到真命天子咁話。
全女班開生日P咁齋，FBI收到風，原來JM都唔想，但因同離合多次嘅肥仔男友李冠峰又散咗。二五仲講畀FBI知，最近喺街見到JM嘅前度李冠峰拖住個類似𡃁模嘅新女行街，二人仲黐到實一實。感情冇得掹，FBI希望JM喺2013年努力工作之餘，搵番個真命天子，到25歲生日就唔使咁孤清啦！
JM班朋友為佢搞咗個以動物為主題嘅生日P慶祝，仲訂咗個肥豬蛋糕畀佢，而JM亦好配合，着住粉紅Pink Care Bear衫吹蠟燭許願，cute爆！以往JM同前度李冠峰拍拖7年經過多次離合，前年FBI先撞過佢哋喺鬧市拍拖，當時JM個樣仲係好得戚。
Baby老死煮晒~JM係壽星女，所以生日P中，煮嘢食任務由好友、Baby同門兼死黨楊叮叮（中）等搞掂，佢就齋食，昔日老死Baby當然冇到。除火雞，班friend仲準備咗長腳蟹同JM慶祝。
全女慶生~成個生日會，只得5個女性朋友同JM慶祝，想搵一個男丁都冇。但JM一樣開心，不停對住食物影相會所搞PJM今次喺某屋苑嘅住客會所搞生日P，即煮即食，都幾溫馨。
