2010年尾傳出廖碧兒搭上「富二代」、李澤楷表弟林忠豪而撇陳豪，火速拜訪對方寓所斷正；當時碧兒仲暗寸陳豪向傳媒放料。翌年年初佢哋嘅戀情告吹，兩位當事人一直唔認。
今日林忠豪喺商台訪問中，終於承認同碧兒曾經有一段情，間接揭露廖碧兒講大話。至於被追問係咪第三者身份介入，佢話：「當時佢同我講冇男朋友，我就冇避忌咁一齊。」
林忠豪透露佢同碧兒係透過朋友介紹認識，佢話：「點解我有佢電話？係因為我朋友叫我幫手車佢，我去到尖沙嘴，接咗佢上車先知係佢，之後就係短訊傾談，大約一個月就開始拍拖，期間都日日傾。」
呢位富二代直認有計劃過同廖碧兒結婚，而分手最大原因係傳媒壓力，佢話：「當時好多負面新聞，又話佢拜金、又話佢有第二個，作為當時男友都好唔開心，我都覺得自己有少少連累佢。」
分手後有一段時間，林忠豪話自己怕咗出街，因為驚面對傳媒，怕又被抄作新聞喎。
林忠豪接受電台訪問
