鍾嘉欣入行多年已習慣聖誕節於工作中度過，她坦言以前於加拿大過聖誕，與親人在家溫暖中歡度，就如中國人的的農曆新年般，而今年她希望約到一班好姊妹出來相聚，交換禮物，重拾讀書時感覺。
入行多年的鍾嘉欣，坦言今年聖誕節亦是出席公開活動或拍劇，年年都要於工作中度過，但她並不介意，更指對藝人來說，節日工作是搵真銀機會，而愛錫家人、家庭觀念相當重的她謂：「自己年紀仲細，都想積極做嘢先，我只希望聖誕節家人開心、身體健康，物質嘅嘢真係唔重要。」
鍾嘉欣指今年聖誕節希望可跟好姊妹們一聚，交換禮物。鍾嘉欣入行後聖誕都於工作中度過，坦言不介意。
拒提男友
問到嘉欣今年聖誕會否與家人歡度時，她坦言父母剛剛聖誕節前夕便要返溫哥華，自己亦要開工，要做倒數活動，她謂：「25日都有啲時間，睇吓到時可唔可以約到李亞男等一班好姊妹出嚟食飯、交換禮物，其實禮物唔需要貴重，最重要係氣氛，呢啲嘢以前中學時會做，都想尋回嗰種感覺。」問到怎樣跟男友慶祝時，嘉欣指不欲多談，感情事都想低調。
鍾嘉欣家庭觀念甚重，表示最愛聖誕節與家人一起的感覺。
十足過年
嘉欣又指以前於加拿大過聖誕，感覺就如於香港過農曆新年一樣，她謂：「我鍾意聖誕因為可以同家人一齊過，我家庭觀念好重，嗰邊屋企會有火爐，亦都會有棵好大嘅聖誕樹，一家人會一齊布置，一邊掛糖、一邊食糖，感覺好sweet，我哋屋企唔興送聖誕禮物，但就鍾意包啲假嘅禮物喺聖誕樹下面。」嘉欣又坦言十八、九歲時仍會畫聖誕卡給父母，她謂：「依家有時返去溫哥華，媽咪都會攞番畀我睇，我會睇到喊，真係好感動，啲筆畫同畫都好窩心。」
