陳慧琳前晚自爆肚皮「封啲唔封啲」，擺明未放棄追女夢。
陳慧琳（Kelly）前晚三號風球下，出席太古廣場美容活動，提到大仔蝦餃仔將開學，她表現擔心：「返學就易病，每隔一個禮拜就病一次，都要打針，家大佬病，就要隔離佢。」提到李嘉欣表示封肚不會再追B，問Kelly會否有此想法，她表示：「冇諗呢啲嘢，封半，封啲唔封啲，呢個moment係封，幾年後就唔知。」
對於嘉欣表示出埠會有抑鬱感覺，Kelly笑言：「開頭生兩個月，餵緊人奶都會，第二胎好好多，分開吓都OK，家出埠會帶佢哋啲相，佢哋爹哋會傳啲video畀我睇。」Kelly透露年底再會出碟，當中有一首歌關於她兩個囝囝：「首歌叫《點心》，係野仔作曲，梁柏堅填詞，會將小籠包、蝦餃、劉昇、劉琛等擺喺歌詞。」
