「Law霸」嘅赤膊露肉得到師奶關注，不過男fans都唔使失望嘅，有「潮男社工」李璨琛親身示範多款最新秋裝，好似有網友留意到，單單喺第一集佢總共換咗4個造型，同女主角胡杏兒有得揮呀！
媽咪姐仲發現琛仔出動咗自家品牌Subcrew嘅私伙衫，幫品牌做埋免費宣傳，而佢嘅經理人就話：「琛仔身形偏瘦，服裝間未必件件衫都啱佢着，我哋咪自己帶啲衫嚟夾下囉！」據聞琛仔今年11月就同圈外女友結婚，睇佢做生意咁有頭腦，一定可以養到個老婆肥肥白白呀。
網民瘋迷《怒火2》，連劇中成日播兩首Adele嘅歌都留意到，監製陳維冠話：「DJ劉倩怡推介咗幾首歌，而呢兩首歌嘅歌詞都好配合劇中人物角色，尤其〈Someone Like U〉fit晒鄭嘉穎同苟芸慧嘅一段情。」
