倪震同朋友夾份開嘅Joe's Billiards& Bar，噚日喺旺角開第三間分店，倪震帶埋老婆周慧敏（Vivian）同老竇倪匡出席，好友古巨基、王馨平及麥玲玲到場祝賀，佢仲為啱啱過咗77歲生日嘅倪匡補祝，兼慶祝佢之前喺金像獎得到終身成就獎，最後仲同Vivian向倪匡送上香吻。
講到08年被拍到同倪震喺蘭桂坊激吻嘅張茆，日前宣佈同老外男友Mr.K訂婚，佢聽兩次先答：「呢個問題發生咁耐，每個人都有自己生活，要向前望，我最好嘅回覆就係唔回應。」Vivian就全程冇出聲，聽到張茆呢個名，亦冇特登望倪震一眼，到後嚟先強顏笑一笑。
周慧敏講明抗拒俾人叫老闆娘，情願用顧客身份上去玩
張茆與老外男友在微博宣佈訂婚
倪震（左）開分店，老竇倪匡都有撐場
介意被叫老闆娘倪震又俾人話過佢開舖頭唔使出錢，只靠掛名做老闆，佢好介意咁主動澄清，話自己真金白銀投資七位數字，三間分店共花咗幾百萬。Vivian就話：「我好抗拒大家叫我老闆娘，我想做顧客咁上嚟玩，加上我好怕對數字，所以我冇投資，我只係好支持我先生。」之前倪震有間分店被指有非法賭局同艷舞表演，倪震話：「上次係客人自己帶女仔表演，我都有報警，其實我哋都係受害者。」
