鄧上文同拍拖12年嘅澳洲籍男友Andrew舊年喺蘇梅島結婚。
鄧上文同拍拖12年嘅澳洲籍男友Andrew舊年喺蘇梅島結婚。
鄧英敏嘅女兒鄧上文（Shermon）噚日喺將軍澳電視城出席《漫遊汶萊》記者會，着咗一身汶萊服飾嘅鄧上文喺現場自爆喜訊，宣佈自己懷孕4個月，佢仲話舊年3月6日喺蘇梅島結咗婚，認真雙喜臨門。
Shermon老公Andrew係澳洲人，任職私人健身教練同做設計生意，同Shermon係中學同學，佢哋拍拖拍咗成12年，雖然Shermon家未知陀住仔定女，但佢就話BB性別冇乜所謂，仔女一樣咁開心。今年28歲嘅Shermon直言婚後會揀合適嘅工作，之前因為怕BB小器，所以拍《潛行狙擊》時都唔敢唔拍一啲槍戰場面。
至於榮升做公公嘅鄧英敏接受電話訪問時就笑晒口話感覺良好，佢話Shermon已經大過女，所以唔擔心佢應付唔嚟，不過佢就希望Shermon可以生夠兩個，最好一仔一女湊成「好」字，咁樣佢就最心滿意足，鄧英敏仲話：「我要勤力少少賺多啲錢買嘢畀個孫。」
http://hk.apple.nextmedia ... ;av_id=15389230
