近日有報道指呂慧儀搭上曾志偉，她昨日就此事接受商台錄音訪問，她說：「我自己會努力工作，唔使人包養，啲記者真係錫我，畀個封面我。我覺得女仔有能力搵錢買嘢畀自己呢個感覺好實在，我好享受呢種實在嘅感覺，我唔會攤大手問人攞錢。」
對於報道以「肉償」二字形容她，呂慧儀笑說：「啲肉要問阿媽賣唔賣得，我話唔到事，肉償唔到。」又解釋志偉餵她吃東西的實情，她說：「其實係嚿壽司好多芥辣，志偉唔食先畀我食。我同佢嘅關係亦師亦友，佢係一個我好敬重嘅前輩。」
呂慧儀笑說她9月生日時希望記者再送她一個轟動的封面，問她想與誰傳緋聞？她說：「陳豪啦，家佢係筍盤，不過咁多人爭，我又唔鍾意爭嘢。」
from:
http://hk.apple.nextmedia ... art_id=15012092
