[球類運動] 曼城有望買入丹尼爾

曼城一直都希望收購一位世界級右閘，早在今年夏季，已經對巴塞嘅丹尼爾有興趣，但由於對方唔肯放人，以致交易被迫告吹。不過，最近呢宗交易又有新進展，話說丹尼爾不滿巴塞續約條件，嫌人工太低，令續約談判陷入僵局，分分鐘會離隊。據悉丹尼爾要求22萬英鎊周薪，但巴塞只肯俾16萬英鎊另加獎金。巴塞已經對丹尼爾發出最後通牒，要求佢喺12月31日前續約，但丹尼爾嘅經理人卻回應，除非巴塞開出一份滿足丹尼爾要求嘅合約，否則唔會動筆。外界推測，若巴塞同丹尼爾談判破裂，唔排除會將佢賣俾曼城套現，另覓合適右閘人選。