李嘉欣昨日在尖沙嘴出席微博活動，終於公開承認懷孕超過三個多月，昨日她穿灰橙色連身裙在六名保安開路下抵達，經理人陳善之和助手還小心翼翼攙扶着，她終於肯開腔承認有孕：「係呀，超過三個月啦！奶奶同老爺好好，從來冇畀壓力我，我最唔開心係外間人將兩個咁好心嘅長輩講成咁，將我妖魔化唔緊要，但唔好佢兩老都講，老爺同奶奶都話生仔生女唔係由我哋決定，千祈唔好有壓力，最重要係我哋兩個人相處得開心。」
問到第一胎是不是兒子？嘉欣有保留說：「醫生係講咗某性別達到幾多個百分率，但唔想咁快公開出嚟，但我可以肯定話畀大家知，今次有咗係意外，唔係傳聞話人工授孕。」
from:
http://hk.apple.nextmedia ... art_id=14471637
