張家輝憑《証人》奪第十屆長春電影節最佳男主角獎，他已憑這部戲六度封帝，昨日他從長春回港，依然難掩興奮之情，並表示會看《綫人》慶祝。他又憶述前晚公佈結果，自己如坐針氈，心跳加速兼顫抖。
第十屆長春電影節前晚在長春舉行，張家輝和王學圻分別憑《証人》和《十月圍城》同時獲得最佳男主角獎。昨午約6時，家輝拿着長春影帝獎座返港，由於這是他在內地首個獲得的影帝獎項，故他份外興奮。
香港開埠以來從未有男演員憑一部戲同時在中港台三地各大影展共奪六個影帝殊榮，張家輝成為第一人，他謙虛說：「好彩啫，不過《証人》真係留畀我一個美好回憶，但我依然係我，唔會因為攞咗好多獎有乜變化，不過為咗擺呢啲獎，我專登買咗個櫃嚟擺獎座。」
記者問家輝前晚領獎下台後立刻打電話，是否第一時間向太太關詠荷報喜？他哈哈笑：「唔係，我係打畀《証人》導演林超賢，因為之前佢同我講，如果得獎要第一時間通知佢。第一次喺內地得影帝獎，特別開心，因為證明內地觀眾肯定我嘅演技。我喺現場等公佈結果，心跳加速，騰騰震，到讀出我嘅名先定落嚟。」
家輝表示回家陪妻女吃完晚飯後，準備一個人去戲院看《綫人》，他說：「老婆要湊女，今晚唔會陪我去睇戲，下次先陪老婆睇多次啦。據我所知部戲票房唔錯，三日已過咗300萬票房，好令人振奮。」
同時封影帝的王學圻前晚沒親身領獎，昨日他向內地記者說：「這部戲為我帶來太多榮譽，很感謝觀眾。」
趙薇憑《花木蘭》與《心魔》的惠英紅雙雙封后，趙薇說：「大家知道我今年收穫非常大，我要感謝我的家人，我的愛人，給了我一個幸福的家，很多愛。」
from:
http://hk.apple.nextmedia ... art_id=14396126
