孫耀威昨日以關愛長者大使身份，在荃灣出席長者家慈善基金舉行的《長者家書》徵文活動。孫耀威透露會撰寫一段文章，訴說與外公外婆的故事，輯錄入《長者家書》中。
談及外公，孫耀威突然感觸流下男兒淚，他說：「我係由公公婆婆一手湊大，細個時候同佢哋一齊住，關係好密切，今年農曆年初六公公過身，初八我出嚟做騷時都喊到眼腫，只有戴眼鏡遮住，家佢兩個都唔喺度。」老孫透露媽咪已經見過女友陳美詩，他笑說：「媽咪都有問過幾時結婚同生小朋友，我諗會逐步嚟。」
此外，老孫昨晚到銅鑼灣出席由政務司司長唐英年主禮的《通天奇兵》首映，老孫自言近日變成宅男，他說：「最近好鍾意日日都喺屋企對住部電腦，嚟緊我會拍一套民初劇，仲會有幾個靚女演員圍繞我身邊。」
from:
http://hk.apple.nextmedia ... art_id=14118698
