倪震有份投資，位於尖沙嘴的美式桌球室Joe's Billiards&Bar，昨日被本報揭發店內有裸女跳脫衣舞。倪震父親倪匡表示平時不過問兒子生意，也懶理這件事可會令媳婦周慧敏不高興。但古巨基昨日卻力撐好友周慧敏的丈夫倪震，更笑謂「睇波都有球迷裸跑啦」。
倪匡昨日在電話中說：「我唔係幾詳細知道（情況），我好少八卦呢啲新聞。」平時沒有與兒子傾生意經嗎？他說：「佢都大個仔，自己處理生意，我唔識佢啲嘢。」可擔心這件事令媳婦周慧敏不高興，倪匡說：「我點顧得咁多。」
至於倪震老婆周慧敏的老友古巨基和鄧麗欣（Stephy）昨日到港台擔任「證義搜查線」金牛頒獎禮的頒獎嘉賓。基仔曾為倪震的桌球室任剪綵嘉賓，他為好友解畫說：「阿Joe（倪震）話嗰日有部份位置有人book咗開private party，嗰個女郎就做咗呢個事情，只係短短一兩分鐘，在場管理層都措手不及。」
不過，倪震的桌球室曾被拍到有人涉嫌非法開賭，基仔對此表示不知情。他指自己有到桌球室打波，但沒見過有人跳脫衣舞，他說：「我冇見過，今次係好個別嘅事。」
問基仔會否擔心好友的桌球室受負面新聞影響？他說：「咁又冇咁嚴重，睇波時都有球迷會裸跑啦，呢啲事好難去預測，今次阿Joe會加強番個管理。」
Stephy透露老闆提議她到韓國學跳舞，問她會否像江若琳一樣，去完韓國後眼皮變深？她說：「佢係咪夠瞓先冇咁腫，我怕痛唔會整，同埋家先整太遲，整咗我會同大家講。」
此外，周慧敏和鄭嘉穎早前獲宣明會安排到越南探訪當地山區貧窮兒童，她還與兩名養子見面，但他們十分害羞，周慧敏說：「我帶咗工具幫佢哋剪頭髮，仲送咗文具畀佢哋，又陪佢哋行路返學，接觸多咗，佢哋先唔再怕我。」
from:
http://hk.apple.nextmedia.com/te ...462&art_id=13977009
