熊黛林（Lynn）與郭富城的戀情近日浮面，難怪她春風滿面，自小在南京過白色聖誕的她，原來更愛香港的熱鬧和浪漫節日氣氛。
Lynn說：「今年喺香港會同朋友食餐飯，香港嘅燈飾年年都唔同，覺得好多內地人嚟玩，好熱鬧，氣氛好好；南京就會落雪，我好多年都過白色聖誕，香港雖然冇雪落，但氣氛同樣好。如果喺南京過就可以一家人一齊，香港就可以同朋友出去玩，夜啲都可以。」
問Lynn夢想中的聖誕是甚麼模樣，她說：「我夢想嘅聖誕係同最愛嘅人一齊過，要喺落雪地方，因為我鍾意白色，最浪漫！只要冇人影相，去邊都冇所謂。」由於來年有多部電影片約在身，Lynn的聖誕願望也很簡單，她說：「希望可以放假，因為聖誕完後就要開始拍戲。
