王歌慧美女廚房畀阿驄搞

前晚錄影《美女廚房》時，一向口沒遮攔的林敏驄以口技搭夠，玩盡寸嘴與意淫，大灑鹽花！

王歌慧表演柔道，撻完蘇民峰後，阿驄又搞搞震，扮色魔從後攬腰偷襲王歌慧，鄭中基從旁提醒她：「呢個係堅色狼，小心啲！」阿驄大拋有味笑話：「都唔係好啱位！」隨即閃人。


陳家穎

陳家穎玩長短棍陳家穎表演魔術變出魔術棒。
林：「可唔可以將長棒變細棒？」
陳：「唔得喎！」
林：「乜你淨係識將棍變大唔識變番細，變番細係咪要用個幾鐘？」

文紫玲
文紫玲調製雞尾Drink文紫玲以蛋白調製雞尾酒給王喜試飲。
王喜試味後即吐：「好似飲緊篤痰！」
林：「可能佢頭先落咗啲精（Drink）。」
方力申補鑊說：「佢話雞精！」
林：「可能佢男友成日整畀佢飲呢！」


A.Lin
A.Lin魔幻兩粒嘢A.Lin（裴殷）在才藝表演環節表演變魔術。

林：「你表演緊啲乜呀？」

A：「我變咗兩粒嘢出嚟，你睇唔到咩？」

林：「嗰兩粒嘢你不嬲都揸住，你係咪表演出術呀？」


林敏驄從後攬住「黎明新女」王歌慧，令她一臉惶恐。

插爆廚房《美女廚房》自出街後是非不絕，除被指浪費食物，更被指抄襲日本節目，不過無綫始終你有你鬧，我有我做。

虐待動物環保團體「環保觸覺」早前批評《美女廚房》胡亂生劏活生生的動物，手法殘忍，要動物承受不必要的痛苦，有虐待動物之嫌。



浪費食物節目不只一次被指浪費食物，八月舉行的廣管局公聽會上，指《美女廚房》品味低劣，部分內容傾向浪費食物，備受抨擊。

涉嫌抄襲以女星作招徠的《美女廚房》，06年被踢爆抄襲日本煮食節目《愛的圍裙》，指兩個節目的形式十分相似，令人懷疑《美女》的原創性。

今次三位得獎美少女廚神都有背景，如冠軍王歌慧有黎明撐腰，贏在背景，亞軍的汪汪功夫了得加肯搏肯做，贏實力，季軍DaDa Lo曾拍《四葉草》，是無綫自己人，後台取勝，其他模單靠是非身材上位，好快被out。

尹蓁晞輸形象Yumi早前被拍得與男友到時鐘酒店「爆房」，形象大插水，更被師姐趙碩之踢爆她男女關係混亂，即被公司雪藏。


劉欣宜

劉欣宜輸封胸E Cup Baby憑E Cup身材上位，可是她卻宣布「封胸」，愈着愈多，並揚言要轉型做歌手及拍戲，暫時未見有任何新搞作。


陳若嵐

陳若嵐輸實力Melody雖然在動漫節期間報稱遭非禮成為A1頭條人物，惟她沒有一技之長，愈來愈不見蹤影。


尹蓁晞

Lavina Rainbow被叮擦鞋抓撈憑美少女廚神出位的Lavina（鍾蕙芝）與Rainbow（胡心諾），前晚在決賽夜竟然榜上無名，據知兩人因分別得罪陳志雲與方力申，齊齊被out，結果黎明力捧女新人王歌慧冷手執個熱煎堆稱冠，因兩名是非女缺場，最終要林敏驄大灑鹽花搞氣氛。

由鄭中基、方力申與梁漢文主持的《美女廚房》，當中「美少女廚神」環節造就不少出位o靚模，其中擁有34E上圍的Lavina與Rainbow一直人氣高企，大受網民歡迎。前晚節目進行總決賽，怎料，聲稱以網上投票選出八強的名單中，Lavina與Rainbow雙雙被out，而同為o靚模的A.Lin（裴殷）、DaDa（盧頌之）則因身為《四葉草》女角而有份入圍，而另一位八模陳嘉寶（Anjaylia）亦榜上有名，當然還有黎明新寵王歌慧（Gloria）。


勇奪冠軍的王歌慧將蘇民峰「撻生魚」。


汪汪以低胸吊帶裙煮餸，色香味俱備。


獲亞軍的汪汪，身穿小背心大耍少林武功。


季軍Da Da在才藝表演環節大跳「甩手操」勁舞。

主要「死因」據知，Lavina與Rainbow主要的「死因」是懷疑得罪陳志雲與方力申，前者因為早前陳志雲指o靚模露肉敗壞風氣，暫時禁止亮相節目，Lavina公開大唱反調：「佢係話唔畀o靚模上節目，唔係話唔鍾意賣肉。」至於Rainbow因自爆被方力申力追，借緋聞上位衰多口。結果前晚由黎明新女Gloria奪得「美少女廚神」冠軍，亞軍和季軍分別是汪汪和Da Da。

對Rainbow不入圍小方可有鬆一口氣？他暗寸說：「都冇話鬆口氣嘅，因為都見唔到佢，我哋好公正，有實力就實返到嚟。」監製錢國偉亦口徑一致：「最後八強係由網上投票選出，Lavina同Rainbow唔夠高分先入唔到圍。」


陳志雲


方力申

收韁認低威本報致電Lavina和Rainbow二女亦不敢再得罪人，自認廚藝「屎」之餘，亦補鑊賣口乖讚陳總，Lavina說：「之前係一場誤會，我好欣賞佢EQ、口才同辦事能力，我不嬲同無綫嘅關係都冇問題嘅。（覺唔覺得有黑幕﹖）唔會，自己都知排名一向唔高。」對被小方暗寸冇實力，Rainbow說：「呢啲佢個人意見。（覺唔覺佢冇風度？）唔好講佢喇，都過咗咁耐，唔講呢啲嘢喇！」她又說不信因與小方傳緋聞而影響入圍，望無綫日後再找她工作。由於前晚兩位是非o靚模缺陣，無綫找來鬼馬的林敏驄做評判搞氣氛，不時說有味笑話，言詞意淫，相信難逃被監製一剪。

文：影視組

第一手消息請瀏覽on.cc
《即時新聞》


Lavina（右）與Rainbow在美少女廚神環節雙雙被out，卻不約而同賣口乖。（資料圖片／設計對白）