[香港] 生日打波湯家驊不敵囝囝

生日打波湯家驊不敵囝囝
(明報)2009年8月31日星期一05:05
【明報專訊】泛民主派  就五區一人總辭同逼特首辭職呢兩個政改抗爭方案，搞到火紅火綠，睇吓前日民主黨  副主席劉慧卿  出席網民搞嘅總辭街頭論壇，竟然畀在場參加市民逼到要掟咪離席，就知道氣氛幾咁僵。

公民黨  湯家驊  近排喺facebook都畀唔少網民鬧佢唔支持總辭，不過上周五佢生日，有過百網民留言祝賀，總算令佢開心番。

湯家驊同Emily講，上周五佢係東主有喜，放假一天，唔管政事，反而同囝囝打咗場高爾夫球。講到喺法庭上雄辯滔滔，佢囝囝未必及得上佢，但講到打波，就真係拳怕少壯，佢囝囝連老豆生日都冇畀面，贏咗3杆。

湯家驊笑言，自己同囝囝每年都只係可以打到一兩次波，但自己次次都輸。