鍾蕙芝Lavina電腦節掘金執平貨

o靚模熱潮餘溫未了，繼書展同動漫節後，呢個月21號又輪到第六屆香港電腦通訊節開鑼，一連四日喺灣仔會展有攤檔。參展商為咗再向電車男吸金，佢哋會搵o靚模撐場，馮仁昭知道Lavina（鍾蕙芝）、Rainbow（胡心諾）同Monique（周凱盈）都分別幫網站同Toshiba造勢。至於已升呢啲o靚模周秀娜就唔會入去爭飯食。

鍾蕙芝Lavina將會利用佢嘅34E巨咪本錢，殺入電腦節，屆時佢會着bratop親近電車男，除咗大玩遊戲外，當然會企定定做一班龍友嘅「御用model」啦。Lavina似乎一啲都唔擔心重演Melody（陳若嵐）被摸pat pat嘅事件，Lavina噚日話：「唔怕，我啲fans好斯文，佢哋好有規矩，而且我相信大會嘅保安措施。」Rainbow都話：「我都唔擔心，因為有乜嘢事，同台嘅Lavina可以做我嘅人肉擋箭牌。」Lavina話希望喺電腦節做完嘢，乘機買番啲特價產品，佢話：「我想買隻8G嘅USB手指，方便我攞工作期間影嘅靚相拎去casting。」Monique話就好想掃平貨買部notebook自用，至於Rainbow就想買部小型printer，用嚟打印自己嘅靚相。

Very boring,...always mentioned o靚模

out focus....