昨日曹卓榣舉行寫真簽名會，在場有數十fans支持，卓榣指印製了一萬本寫真，暫賣了數千本，問她可有信心大賣？她說：「叫咗好多朋友支持。（有冇睇其他o靚模寫真集？）有，喺雜誌度睇到，我冇佢哋咁性感，佢哋啲寫真集咁意識不良，真係驚教壞細路。」記者問卓榣是否擔心不夠撼？她顯得頗為不屑：「佢哋影到咁，一定吸引人注意，我接受唔到。（你都有水着相。）夏天着比堅尼OK囉。（你接受唔到？）滴晒嘢嗰啲咪接受唔到囉。（你話周秀娜？）我冇話邊個。（得佢一個滴牙膏。）總之滴晒嘢好過分。」
曹卓榣寫真搏到盡。
對於書展限定o靚模的衣着，卓榣說向來不性感，至於早前曾穿比堅尼於旺角宣傳，她自打嘴巴說：「想吸引多啲人支持，總之我尊重大會，而且又有小朋友嚟嘛。」其後，記者發現卓榣的寫真集內其中一張相疑似露乳暈，她公司代為解畫：「係有啲啡色，但應該唔係（指露暈），係印刷問題。」
