農夫成員陸永前晚在北角新光戲院舉行第二場的「陸永棟篤撐之我係明升呢」棟篤笑，楊千嬅、陳見飛、陳冠希（Edison）、許志安和女友Michelle等也有來捧場。陸永繼續在台上拿Edison的新聞做話題，更大玩千嬅和安仔等嘉賓，取笑兩人拿免費飛睇騷，千嬅反擊指是老闆包飛，陸永即抵死說：「乜老闆呀？包飯局，你講都冇人信啦。」令千嬅完全冇招架之力。安仔也難逃被玩命運，陸永指「6吋許志安」不敵「7吋陸永」，十分不文。
楊千嬅在開騷前接受訪問坦言已預了被玩，她更透露早前曾在朋友的場合遇到陳文媛（BoBo）和其男友金紫耀，她也參觀過BoBo的美甲店，至於BoBo有否提及感情事？千嬅說：「呢啲我哋唔講，我都唔會問私人嘢，人要向前看，希望佢生意都好，我唔會講唔想講嘅嘢，亦唔會問唔應該問嘅事，做咗咁多年人，會關心朋友。」
